نبض المدرجات
أحمد فتحي محمود
المريخ الكيان .. والمراكشي في خبر كان
¤احبائي الصفوة في كل مكان، اسعد الله اوقاتكم بكل خير
¤نعود لنسطر حروفنا من جديد عبر صحيفة كورة سودانية
¤بعد ان انقطعنا من الكتابة لفترة طويلة؛ لاسباب مختلفة منها ضيق الزمن واسباب الدراسة
¤وندعو الله ان يوفقنا لما يحب ويرضى
¤نعود للاحداث المريخية، حيث انتصر مريخنا علي الكوكب المراكشي
¤ولكن جاء الفوز ضعيفا
¤كنا نتمنى وراهنت انا شخصيا علي ان المريخ سيقهر بالثلاثة
¤ولكن قدر الله ان ننتصر بهدف وحيد
¤ربما اراد الله به خيرا، والبجيبو الله كلو سمح
¤ولكن هناك نقطة يجب الوقوف عندها
¤وهي المدرب البلجيكي لوك ايمال
¤ياخ المدرب دا كفاو زاتو
¤لمن نطير ياخ حتان نلحقو اهلو
¤مدرب ضعيف في قراءة الملعب، وضعيف تكتيكيا
¤والله الكادر الوطني افضل منه بالف مرة
¤المهم نحنا غايتو في المباراة كنا لاعبين كويس، بس حصلت خرمجة تقيلة في الشوط التاني
¤مع انو التبديلات معروفة، ولو جبنا زول زاتو م عندو عﻻاقة بالتدريب ،بعرف يدير التبديلات بامتياز
¤نرجوا من المجلس ان يقيل هذا المدرب
¤وما دايرين نكتر اكتر من كده
نبضات من جوة
¤لجنة التسيير وما اداراك ما لجنة التسيير
¤اي زول ما عندو كلام غير لجنة التسيير
¤اللجنة مالا ي ناااس، عيبها شنوو
¤تبقى لها وقت قصير ويجب دعم هؤلاء الرجال للمواصلة
¤وتسليم المريخ للجمعية العمومية
¤الجمعية تعني الاستقرار
¤وﻻ وزير وﻻ سفير
¤ونشكر اعضاء اللجنة فردا فردا علي تصديهم للمهة
¤وقد نجحوو في المهمة بدرجة كبيرة
¤وكانو قدر المسؤولية
¤ونحمد الله علي الانفراج المالي، ونشكر النائب الاول لرئيس الجمهورية وقائد النفرة حسبو علي الدعم المقدر
¤ونتمنى من جميع المتبرعين تسليم التبرعات باقرب وقت ممكن
¤وان ﻻ تكون التبرعات علي شاكلة شوفوني اتبرعت، وشوفوني دفعت
¤دايرين بيان بالعمل
¤نعود للامور الفنية بالمريخ
¤المريخ قادر ان شاء الله علي كرفسة المراشكي في مراكش
¤ولكن ذلك لن يأتي بالتنظير والجعجعة
¤يأتي بالعمل الجاد والاصرار والعزيمة
¤ان لم تتوفر العزيمة لدى اللاعبين فلا تحلمو بنتيجة ايجابية نتأهل بها لمجموعات الكنفدرالية
¤عايزين اداء رجولي وبطولي
¤عليك الله يا لوك ابعد لينا من الارسال الطويل
¤الارسال الطويل دا ياهو زاتو الغتس حجرنا
¤وحيغتس حجرنا لي قدام لو استمرينا فيو
¤دايرين كورة ممرحلة وباصات قصيرة ولعب ممتع
¤وما التوفيق اﻻ من عند الله
آخر النبضات
¤سا سا سادمبااااا!!!؟
¤نادي الشباب وأوامر مجلس العراب قلبت للعواجيز والركاب
¤كتمت الله يستر..المستني الشباب يمشي يفطر
¤وخلاص لحدي هنا
¤سلام
