اول امتحان
وابور ود التيكل
محجوب ود التيكل من اعظم وافخم واجل رجال الزومة
رجل صبوح
فيه خير كتير للبلد
رجل طويل القامة
اصفر اللون
نحيف الجسم
يبتسم لا يقهقه
من أسرة قرآنية
عمل وابور زراعى مضربه فى الكرو
يسقى الكرو
الدهسيرة
الزومة
اتعملت الجنابيىة
اتفتحت الجداول
معاهو لجنة قوية
السكرتير محمد احمد الزين
الاعضاء على سبيل المثال
عثمان ود ترو
خليفة عبدالرسول
خلف الله ميرغني
على عبدالحفيظ
عثمان ود حمدانة
محمد حسن احمد
محمد احمد الزومة
فتح الرحمن درداب
عبدالغني جيب الله
وددكانى
وآخرين الله يعلمهم
اتعملت التعريفة
وبدأ العمل فى أواخر الخمسينات
والناس تسقى
وتتسدد قيمة الموية بالمواقع
خلوة العوناب
خلوة شيخنا
دكان خلف الله
جامع الننقاب
جامع الزاكياب
جامع الحلة
جامع ود التيكل
الدهسيرة
مواقع بالكرو
الناس مبسوطة
والزراعة مفرهدة
بدأت المشاكل
الاسبيرات
تكلفة التشغيل
الموية بقت تتأخر
الزراعة تأثرت
بدأ الشباب يتنحننون
بتهامزون
يشتكون
حدو وين
الكلام بقى علنى
الشيوخ واقفين مع إدارة المشروع
بدأت المواجهات
الشباب ساعتها
بابكر حسن المهدى والشيوخ يقولو ليهو ود الطرشانى
عوض البركل
عوض الزومة
محمد محمد عثمان
جادين
يسن محمد احمد
ابراهيم فضل المولى
ديل رأيهم يجيبو وابور زراعى للزومة
وراهم تحت تحت
محمد الحسن تكرورى
الفوجاب
قسم السيد حسين
على طه
وآخرين الله يعلمهم
بدو جمع القروش
وناس رافضا
ابوى رحمه الله
واقف الف احمر
بس مع ودالتيكل
الحكايي بقت جد
القروش اتلمت
طوالى الشيوخ غيرو ،180درجة
وانضموا للشباب
حتى الوالد دفع نصيب الساقية ويحاسب إخوانه بى طريقتو
نواصل
خلاوى الشيخ احمد على حامد بالزومة
قبل أكثر من مائة عام بدأ الشيخ على حامد تحفيظ كتاب الله لعموم اهل المنطقة شرق وغرب
استلم المهمة بعده ابنه الشيخ احمد وواصل المسيرة وحفظ على يديه عشرات الشباب
جيلنا دا قرأ عند شيخ احمد فى الخلوة قبل المدرسة وحفظنا الأجزاء الاوائل
بعده استلم الراية أبناءه حامد وعبدالباقى
والى اليوم
قيض الله لهذه الخلوة شباب من الزومة
صلاح الفوال
هاشم خليفة
د.احمد محمد عبدالمجيد ترو
لاحقا حماد احمد حماد
عن طريقهم وكلا بسهمه
جاء محسن قطرى وعمل مسجد جديد فى مكان القديم
المحسن القطرى عبدالرزاق الريس
لمو فيهو اخوانى الذكرناهم امس
وطوالى هاك يا خرط
هاك يا ورق
حول الكاش حول
اللجان جوة وبرة
كسر كسر
احفر احفر
طق طرق
ابنى ابنى
ظهرت معالم المسجد
اكتمل
بى فرشو
بى مكيفات فريونو
بى منبرو ومحرابو
الله اكبر الله اكبر
تم المسجد
والشيخ التزم بمصاريفو كلها
كهرباء
موية
كندشة
مرتبات الامام والمؤذن والنظافة....الخ
بعد ربع قرن جانا الشيخ ذاتو فى الزومة
سنة 2013
وقال
عايزين نطور الحكايي ونعمل المجمع دا بصورة حديثة
داخلية سكن واعاشة
وطوالى بدا
تعويضات لاصحاب البيوت الحول المسجد
والكتار طبعا تنازلو
هاك يا تحويلات
يا مقاول
لجنة بالخرطوم
واحدة بالبد
يالله يالله
اكتمل العمل ابريل 2018
جاء الشيخ ومعه ولده وصديقه للافتتاح
الافتتاح
تم قبول خمسين تلميذ
تتراوح الاعمار من ستة إلى طاشرات
لجنة الخرطوم
لجنة البلد
الدمج بين اللجنتين
مشينا المطار
اللجنة استقبلت الشيوخ المحسنين
عبدالرزاق
ابنه احمد
صديقه ابوعبدالله
سبقهم اخونا هاشم خليفة
نزلناهم فندق كورال
مولانا احمد عبدالمجيد عمل دعوة مسائية
سمحة شديد
صلينا الصبح مسجد الشهيد بالمقرن
مشينا امبدة شربنا الشاى المقنن مع كمية هائلة من الزلابيه بى شيوخنا
امير الرحلة الفريق كمال عبدالمنعم الباشا
تحركنا
وصلنا تنقاسى
المعتمد قال منتظركم فى مدخل مروى الساعة الحادية عشر والنصف
الان العاشرة والنصف
غشينا مزرعة عبدالعزيز رئيس نادى الزومة بالقرير
مشينا تنقاسى قعدنا عند ست الشاى بى شيوخنا
شىء شاى
شىء جبنة
شىء جنزبيل
اتحركنا
وصلنا المدخل
لقينا المعتمد واركان حربه
تم اللقاء الحار
تحركنا
بى صفافيرنا
سارينا
وصلنا مدخل الزومة بالشرق
لقينا شنو
عشرة فراس على الجمال
كامل الزينة والعتاد
ختو عربية المعتمد والضيوف فى النص
ونحن و راهم
ثلاثة كيلومترات
وصلنا المجمع
لقينا الزومة كلتها
رجال
نساء
شباب وشابات
اطفال
لوارى
جمال
ضرب الرصاص
زغردت النساء
كبر الرجال
تم السلام
احتضنو الضيوف
دخلنا المضيفة فيها صورة شيخ احمد علي حامد
بدأت الضيافة
الفطور
الشاى
القهوة
اها عند قراية الطلبة
والقعدة موزونة
الطواقى محكمة
تأثر شيخ عبدالرازق شديد
ادمعت اعينه
وقال زيدو العدد
مائة
مية وخمسين
ميتين
لا تشيلو هم
لاحقا بعد اسبوع ناس حسين حسين عملوا سراير جديدة بمستلزماتها
مرقنا الصيوان
بابكر عثمان
صوت قوى
عبارات قوية
قدم المتحدثين
عبدالعزيز رئيس الزومة طلب أربعة حاجات باسم الزومة
ترفيع المستشفى الى تعليمى
تاهيل المدارس الثانوية
العنايه بالمدارس الجديدة
المساهمة فى شبكة المياه
احمد عبدالرزاق الريس
ولد الريس ذاتو
وقال
اول مرة اترجل
هويقصد اول مرة يتحدث أمام جمع
ونحنا ضحكنا على المعنى الأول
تحدث المعتمد
وأعقبه الوالى
ماصدق ديل ناس الزومة
قال كلام سمح
والتزم بطلباتنا
قالو البحر
فى شنو
وضع حجر الأساس لمشروع مياه الزومة بالحمداب
ار اى اتحركنا
فطرنا فطورا سمح
حاجة تشرف
الضيوف القطريين وهاشم خليفة
المعتمد وحاشيته ايييك
جماعة الزومة من الخرطوم برانا عشرين
أذن المؤذن
دخلنا الجامع
خطب الشيخ عبدالباقى
خطبة فريدة
اكاد اجزم افضل خطبة فى حياته
صلينا
مرقنا
انتظرنا والى الولاية الشمالية
مشينا ليهو فوق فى الزلط
البروتوكول قالو كدى
استقبلناهو
جينا نازلين ون ون ون ون
طوالى على مكان الاحتفال
بدينا بالمجمع
ماشاءالله
الطلبة حلوين
لبس نضيف
ادونا نماذج فى الحفظ
مشينا الصيوان
بدأ الحديث
نواصل عن مجمع خلاوي الشيخ احمد
عقدنا بى ضيوفنا وشيوخنا
الحكومة فاتت
الوالى رجع دنقلا
المعتمد داير يمشى
قلنا ليهو يا زول
البلد مقشطى من بنزينايا
نرجع بى شنو
نحن جايبين معانا بس ناقص
كلم زول الأمن
قال بنسق
فاتوا خلاص
بعضا منا ساق القطريين
إلى مدينة مروى لاند
حاجزين ليهم
مشو
نحن مشينا بيوتنا
عشرة بالليل جو ساقو تلاتة عربات
حقتى
ابايزيد وحدة تالتة
اصلو الفريق كمال جماعتو ماشاء الله خلوها
يشرب منها الزرزور
بالدس وطافين النور امتلأت التنوكة
الحمد لله
اصبحنا
ماشين مروى
الجبنة عند الفوجاب
انقهوجنا
بلغنا الضيوف نحن قراب
دخلنا مطعم الموردة
نزلنا السمك ربط ربط
الشطوط
الليمون
البارد
الفول بالجنبة كدى
الشاى
البن
مشينا مروى لاند
عمل اجتماع عديل
معانا قادة الزومة
حسن تجم
محجوب محمد يوسف
هاشم بشارة
عادل حسن
وآخرين
الاجتماع
شبعانين تب
قعدنا فى الطاولة
خلص الاجتماع إلى
تكملة نواقص المجمع
٨٠٠٠٠ دولار للمستشفى
٤٠٠٠٠ جنيه لبير الزومة وسط
وقفنا الشيخ قلنا ليهو كفاية كفاية طبعا نحن رامين قدام
اتحركنا
الفريق كمال معاهو القطرى الريس وصاحبه ابو عبدالله وعلى الباشا والمقدمة
البعده الريس عبدالعزيز ومعاهو القطرى احمد الريس وحسن عوض وآخرين
بعدهم سيارتى الخائنة
التى كانت دار تؤدى بحياتى انا وصاحبتى نجوى ومعاى آخرين
وسيارة مولانا احمد محمد ترو
سيارة أباذر
سيارة ابايزيد
وسيار أن أخرى
سيدا على الزومة تانى
وضعنا حجر الأساس للمختلطة الجنوبية نيابة عن سكوتة
طز على مقاشى
برنامج المدرسة القرآنية
برنامج حليو
عجب الضيوف
ناس مقاشى قالو لينا بعد ما مصيتوهم جبتوهم
اتبرع ليهم بمبلغ ١٦٠ الف ريال قطرى لبناء مسكن لشيوخ المدرسة
اها على الشارع
اول وقفة الملتقى
الشريان
الغداء وين
مزرعه وددوانة
اها دى دايرة حديث
نواصل
ياالله
التمتام
القبولاب
بوحات
ابوضلوع
الحميدى
التفتيش
طبعا قصة عربية الفريق كمال قدام البوابات تفتح طوالى
لا رسوم لا سؤال لا كلام
خليفة يقول أيوة ونحن دايسين
قربنا لى المزرعة
الكيلو ١١
وصلنا المدخل
واقفين لنا فى الزلط
حال الحياة
دخلنا
المغرب
اتوضينا
صلينا وجمعنا كمان
اها عاد
احفاد ود الزومة
ايى هيه
نزل الصفر
كبسة
جداد مشوى
جداد على الشواية
شيش طاووق
لجنة محمرة ردم
لحمة ضلع هبر عبر
الرز طاعم
الفواكه ما تتحسب
تفاح
عنب
مانقو
كمثرى
بطيخ
حتى الموز جابو
يمين الله القطريين ضلوعن طقطقن
القهوة
الشاى
هو شنو
سلام احبتنا
احمد
والدكتور وعمر واخوانهم
وأصدقائهم
صلاح على مجيد
والفوال
وآخرين
حسين محاسن
الحكايي عجبتو
عمل برنامج
تحدثت انا قبساوى
تحدث عبدالعزيز ناداوى
تحدث احمد الريس قطراوى
وقال شعرا الخزين الصحفى المرافق
تحركنا وفخورين بى اولاد دوانة واصحابهم
إلى فندق كورال عدل
تم التصوير والوداع
ودخل الضيوف الى غرفهم
وتفرغ الجمع ولا يودون
غدا سافر الاحباب الى الدوحة
نواصل
الحمد لله
تم المطلوب
متبقى
المتابعات
موضوع للمجمع ظهر فيهو جديد
طبعا. تم تعيين اتنين من الخرطوم شيوخ تحفيظ
والمساعدين من البلد
إضافة إلى الاداريين
والعمال
يوم الافتتاح واحد من الشيوخ زعلان دار يطق
ابى يشارك
القطريين لما دخلو على الطلبة قام زاغ
نحن ما جايبين خبر
فى الصيوان سكو
مولانا دعانا لاجتماع فى النادى للتقييم
من الضمن حكى قصة الشيخ. وقال كمان الشيخ سافر اهلو فى ود الفادنى
بقينا نبحث عن بديل حسب الشروط مجاز من جامعة القران الكريم
ما ساهلة
النلقاهو يعتذر أو يطلب مدة
اها
اها
لقينا
وديدتو لى مولانا
اعتمدو
شجعنا كمان عنده أربعة أولاد عايزهم يحفظو
استاذ فى المدارس القرآنية
سقناهم الشمالية عشان يتنورو
رحلة الانقلاب
دخلنا المسجد مع الاذان
سلام
سلام
سلام
سلام ناس البلد السمح
أقيمت الصلاة
بدأ شيخ حامد
قراءة بصوت مزامير داوود
خشوع
سكينة
سلم
بدأ الدعاء بصوت عالى
ونحن نؤمن
دعاء مؤثر جدا جدا من قلب صادق
انتهى
فت انا نطيت وقفت
قلت ليهم
دعاء شيخ حامد دا شدانى
انا جيت من الخرطوم الان
ومعاى شيوخ التحفيظ ديل
واحد حيستقر معاكم فى الزومة
والتانى امام مسجدنا باركويت مرافقنى زيارة لكم فى الله
قوم يا شيخ عبدالواحد
وقف
اها دا شيخكم
اتحدثت عن قبس ومشاريعها
واسال الله ان يتمها
تانى شيخ حامد دعاء لنا والقادمين من الخرطوم ومن خارج السودان
كان صلاح وخالد يسن متواجدين
اجتمعنا فى المجمع برئاسة الشيخ عبدالباقى
رتبنا الأمور
خليت الشيوخ ومشيت البيت
الواطا حارة
غايتو
نواصل
انقلاب صاحبتى البرادو
منذ ١٩٩٩. اعشق البرادو
كنت مدير مكلف للشركة بجدة
جابوها ليا
من شدة ريدتى ليها ادونى ليها هدية وجبتها السودان و رخصتها
ودخلتها فى مقايضة واشتريت برادو
طوالى انا والبرادو حبيبتى
لا يومى ويومكم دا
اول امس اشتريت برادو
الله يدنينا خيرا ويكفينا شرها
يوم الجمعة فطرنا فى بيت ابن عمى عثمان جعفر(,سماية حفيد)
وعملنا دعاء السفر
مدام نجوى ماشى تزور ابوها وكمان ترافق زوجها
الشيخ عبدالواحد (الاستاذ) ركب وانا جايب معاى امام مسجد اركويت
ركبوا و را
وبسم الله
مشينا صلينا الجمعة فى مسجد مستشفى امبدة النموذجي
تحركنا
رحلة عادية
الرابعة والنصف نجوى مع ابوها
انا والضيوف فى بيت حسن ابشنب
قبل المغرب لى عشرة دقائق اتحركنا تجاه المجمع الاسلامي
بعد دكان عبدالله الملك ونحن لافين على المجمع
لاقانا الطيب ود امبلة
سلام حباب
اها راجعين متين
قلنا صباح الأحد
قال معاكم
جدا
قضيت يوم السبت دا فى البيت
الواطا حارة تفقش الحبايا
المكيف صوت عالى ولا مخرجات
الظهر والعصر غلبنى امشى الجامع
صلاة محلية
العصر داعنى ناس النادى الحضور التمرين
مشيت
بس خمسة دقائق القيامى قامت
هواء
مطر النقطة قدر عين الحمارة
دخلنا النادى
احتفلو بينا
كمان جابت ليها كلمات
وتشجيع للشباب
صلينا المغرب
قصينا حاجات قبس
الحديد
الطوب
شغل احمد دوانة
مشينا شربنا الشاى والكيك من ايد الريس المغداد
وادعتهم وطبعا معاى حسن ابشنب
مشينا الى عمر دوانة
هدومنا مبلولة
الراجل اكرمنا
رجعنا البيت
الكهرباء قاطعة فى كل المحلية
نواصل
رجعنا البيت
مافى كهرباء
تنقنق
وقفت
كر كر جربت السرير
نص الليل بدأت تنقط
دخلت البرندة
نار الله الموقدى
وقفت مرقت
نقنقت دخلت
ياهو كدى
ار لا جوة
كر لابرة
مافى صوت اذان
صليت قبلى
اغلب صلواتى محلية
حسن جاب الشاى
نشرب ومتانسين
توف جاء داخل الطيب ودامبلة
سلام طيبين زينين
اتفضل
لا شربت الشاى
جيت داير اتاكد من السفر
أيوة باذنه السفر بعد شوية
الفطور سمك بمطعم الموردة
بجيكم فى المجمع
طوالى فات
الثامنة والنصف إلى المجمع بعد وداع اهلى
لقيتم جاهزين
والطيب شايل قفة تمر
عبدالكريم بخيت جاب لى كرتونة من عنده
مع السلامه مع السلامه
اتحركنا وموية المطرة كتيييرى
الناس على طول الشارع قاعدين جنب الموية
شىء سمح
وصلنا بيت ابراهيم الخليفة
الشابة نجوى ركبت
انا سائق
الشيوخ فى النص
الطيب ورا خالص
دايرين نتحرك
ابراهيم الخليفة قال
الطيب ساعد هاشم دا فى السواقة
حاضر
دا الفيلم
نواصل
تووش مروى
مطعم الموردة
اها السمك اااجنى
السمك متأخر
اقل شىء ساعتين
لا حولا
خلاص جيب الفول
دى قسمة شنو
جابو
بى جبنتو
بصلو
طعميتو
برضو مانا راضين
الشاى
الجبنة
اتحركنا
انا نعساااااان
من المطرة النقناقة
مرتين ادقس وأخرج من الشارع وارجع زول حاسي بي مافى
تن تن تن لاعند الملتقى
نزلنا
اشترينا رطب للشيوخ
ارح ارح
اها
الطيب تعال سوق
وطوالى قعدت ورا
خليتو امام الامر الواقع
أتردد
مافى حلو
ركب
الشابة على يمينو
الشيوخ خلفة
انا ورا مع الرطب
قام جارى
انا قلت ليهو
اولا السرعة ٨٠ بس
القدامك ديل ناس الأمن ما تقوم تكشهم
بعدين العربية اتوماتيك
شيل يدك من العصابي
ما تحت لينا القير
سمع الكلام
واصلت انا
ديلاك ناس مرور
هدن جنبهم
فعلا
مشينا
اطمانيت
نمت عديل عند الكيلو ٢٧٠
عند الكيلو ٢٠٣ وباقى خمسة فقط التمتام
والشارع لافى
وحسب رواية الشيوخ
الطيب يفتش فى الصعوط
ورب نزل من الزلط
انا صحيت
الطيب الطيب
خليها تمشى
اتلخم
داير يرجعها الزلط
حمنديرا فى الزلط
الحمد لله مافى اى عربية من الاتجاهين
وكف قلبنا وكبانا
نواصل
اتقلبنا
ار ار فى الزلط
وكت وصلت الرملة
انكفت على اليمين
ورجعت واقفة
البابات القدام اتفتحو
نجوى ياحليلا
طارت برة
الباب الانفتح دا يفتح نحو
لاقاها راجع وخبتها ودخلها تحت العربية
والعربية لساتكها الاربعة غارزات فى الرملة
الشيوخ كالاتى
اليمين رأسه تحت الطبلون
والتانى تحت الدركسون
وانا شايف السراويل
والطيب واقف برة
يا الطيب نجوى وين
ااااا
ااااا
يفتش بى قدام
مشى بى غادى
دنقر
لقاها تحت العربية
جراها
يقول ياهاشم لا الله الا الله
لا حولا ولا قوه الا بالله
انا شفتها ماتت
قبلت عكس
أتلفت دخلوها فى بوكس
فتحت الباب ونزلت
مشيت ليها لفيتا تتنفس
الحمدلله
وصلنا التمتام
خمسة كيلو بس
صاحبتى تتالم
انا مردخ وما عارف
نواصل
فى التمتام
مشينا لى زول المرور
حكينا الحاصل
عادى عندهم
لم يرمش لهم جفن
قال ترجعو مروى
الله
ليه
دى الولاية الشمالية
نحن ما عندنا شغلة بالخرطوم
يا زول دى زوجتى وعايزة علاج
ارجع مروى كيف وهى على ٢٠٠ كيلو وامدرمان ٢٠٠كيلو
قال لى انت داير تورينا شغلنا
قلت ليه لا اوريك لا تورينى انا بأجر سيارة
هنى قام الطيب قال ليهو حنتصل على امير الباشا(, عميد ومسئول من المرور ومن الزومة كمان)
هو نقلوا بس العسكرى ماهو عارف
طوالى اترخى وقال
اوصلكم امبدة بس
جدا
شغلنا السارينا
وعليك يا الله
اسمع انين
اشجع
مرات ادمع
العمة نشافة
دموع ومخاتة
ها
ها
ها
طبعا كلمت
محمد هاشم. وأبوبكر
مصعب حسن خلف الله
الخليفة لا يرد
عرف لاحقا
وصلنا المستشفى النموذجى بامبدة
فى نص الحوش
وانا مردددخ
العسكرى قال لى اركب
ركبت
فن فن فن
مرور امبدة
المناوب قال لى ادخل المكتب
قلت ليهو داير اصلى
جدا يا حاج
صليت
لقيت نفسى محبوس
قلت ليهو العساكر الجابونى وبنن
قال لى مشو
قلت ليهو طيب زوجتى ما الحاصل عليها
نكرت قصة اولادها
انا مردخ
الراجل قال لى ما كان نجى الا تتعالج
بقى متعاطف معاى
قال جيبو المستندات
اولادى جابو
الرخصة
شهادة الملكية
بوليسة التأمين
قال لى امش اتعالج وعالج زوجتك وتعال
ادانى اسمه وتلفونه
رجعت المستشفى
ادونى حقيقتنا صغويرى
والشابة عندها
تكسر فى الاضلاع
وترمة فى الفقرة الأولى
ومشينا البيت
نواصل
العلاج
حاجات المستشفى النموذجى جت ما شغالات
مشو واحدة خاصه
صوروها
قالو ضلعتين مكسورات
خرجنا
وصلنا اركويت
بيت بكاء عديل
اخواتى وانجالهن
ولاد حسن
الحبايب ناس ١٦
الجيران
الخلوق
ناس تبكى
ناس ساكتا
قامن الشابات
إزالة آثار الرملة
كل المستلزمات
سلامى سلامى
جاء د.محمد خليفة ابراهيم
قال عمتى دى ما شديدة
بدأت تتورم
الحادية عشر ليلا ساقوها
مشو رويال كير
ها
ها
عند الثالثة صباحا اتضح أن الاضلاع المكسرة خمسة وليس اتنين
فى جرح عميق كمان
القرار تنويم
في أواخر اربعينات القرن الماضي واوائل الخمسينات
الناس ترابلة اب
الثقافه كلها عشاوى وفجراوى
اللعوب والمريسي
وود العود تلعب فيهو يلعب فيك
شوية خلاوى
منتصف الخمسينات عملو مدرسة الزومة الصغرى
دخلوها الناس كبار بى شنبهاتهم
والكمل كمل والكتار خبيرا دا ما اخدو
والنظرة لى زول المدرسة زي الناقص رجالة
المهم ظهر الشراد والسفر لا فوق عشان الشغل
ما اصلو الآباء لا يسمحون بالسفر ساقية بس
يتفننون فى الزوغة والتوجه لى كريمى وركوب القطر
نواصل
انتهت رحلة الانقلاب
اتصل كثير من الاحباب
طالبين المواصلة فى اى موضوع
انا ما قايل السرد المبسط له احباب ومريدين
لى كتاب فى المطبعة تحت اشراف خالى عبدالمطلب الفحل اسمه تجربتي في الحياة
عدد من الأبواب والفصول
نادى الزومة الخرطوم له جعل كبير فى صفحات الكتاب
نحاول نستعرضها بعد توفيق الله
اجملها
تاسس نادى الزومة ١٩٥٣م
وانا مواليد ١٩٥٣م
انتهت حلقة اليوم
يتلقطو يتلقطو
جو الخرتوم
بيوت العذابة مليااانة
الحلة الجديدة
الديوم الشرقية
القوز والرميلة
بيت الشول
حلةحمد
الوابورات
خوجلى
الشغل وين
اربعة وظائف
جناينى
عسكرى
غفير
وزارة الصحة
ركائز الزومة تتمثل فى
محمد عثمان كليدى
ميرغني صديق الباشا
سيداحمد بابكر
احمد عبدالحفيظ
الخليفة يحى
الخليفة ود طمبل
احمد قلين
على تميم
وآخرين الله يعلمهم
حسب امكانياتك الجماعة ديل يشغلوك
محمد عثمان كليدى بحكم عمله بوزارة الصحة ولعلاقته المتميزة بالمسئولين
يعينك فى معمل استاك
أو وزارة الصحة ذاتا
الصحتو سمحة وصبى جماعة البوليس قاعدين
حكمة الله العمل بالجيش ناس بسيطين
الجناينية ديل ملفهم براهو
فكرو فى حاجة تلمهم
اجتماع
نواصل
جاتنا صاجات
الركائز
الخليفة ود الحسن
حسن المهدى
خضر المهدى
على الهادى
وآخرون الله يعلمهم
اها العاصمة مليانة بى بطان البلد
ماشهوهم
ما خلوهم
طوالى أعضاء فى الحضرة
الناس ما ختمية
والخرتوم كلها
بلاوى
ابوصليب
مشعال
كوريا
ديوم بحرى
الحكايي بالصف
جيران السودان مكبوبين
المريسى اسمها التررة
بالعيش ما بلح
العرقى رخيييييص
هذا الجو المتاح
كوابحه الحضرة والليلية
تقرأ
البراك
المولد
مدائح الختمية
المشاركة فى نشاط الشباب وطقوسه
الأمور ماشة كدى
الحكايي دى ما اشبعت رغبة الشباب
قالو يسوو نادى رياضى ثقافى اجتماعى
رفض من الآباء شديد
بدأت الاستقطابات
نواصل
النادى مشترك مع الدهسيرة
الاسم
نادى أبناء الزومة والدهسيرة بالخرطوم
اللجنة من الجهتين
ابو خلف
وديسن
وددبش
والناس الزومة
محمد الحسن ابراهيم
احمد نصر
احمد عبدالحفيظ
سيداحمد بابكر
وآخرين الله يعلمهم
تم الالتزام بالاتفاقية
يومى الخميس والاثنين مافى نادى
تمشى الحضرة فى بيت الخليفة يحى
اصبح النادى مكانا آمنا لأعضائه
ملاذا القادمين الجدد
استغلال علاقات البعض فى التشغيل
ود خلف من الدهسيرة وبعمل باالبوستة ماشاء الله عليه
الحكايي توسعت
اصبحت خصما على الطرف الثانى
وصار النادى قبلتهم
وبادب شديد تسير الشغلة
تطورت قالو نعمل لينا فريق كورة
وقد كان
سجلو فريق باسم الحرية برابطة القوز أواخر الخمسينات
جنب المركز الصحي القاعد هسع دا
يا والله كمان جونا فى البلد سنة ١٩٦١م
نحن صغار نتذكرهم
من الزومة
عثمان بابكر سعد
عابدين وداعة الباشا
سيداحمد نصر
السر نصر
وآخرين
من غير الزومة
كتوت
السر العسكرى
فنايلهم خضراء
لعابين جنس لعب
غلبونا فى شلك والزومة قبلى
نواصل
القيامى قامت
ولاد ماعندهم ادب
كيف يسوو ليهم نادى
هى حصلت
والله على رقابنا
هذه مقولة الشيوخ
الشباب قالو
منو القال النادى مكان ما كويس
النادى نشاط ثقافى واجتماعي ورياضى
الشباب جو الحلقات
اصلها يوم الاحد والخميس
وماشين فى الفيهو
الجو ما مريح
الناس شايلا من بعض
انعقد مجلس صلح
والمخرجات هى
تاجير موقع النادى
أن لا بغيب الشباب عن الحضرة
الشيوخ يجو النادى
ويشوفو بى عيونن
الشباب بعض منهم
احمد نصر
احمد عبدالحفيظ
سيداحمد بابكر
حسن احمد كليدى
محمد الحسن ابراهيم
عوض احمد عبدالرحمن
محجوب ابراهيم
على تميم
ميرغني عبدالرحمن
يوسف الفحل
وآخرين
الشيوخ
الخليفة يحى
الخليفة ود طمبل
بسن الصديق
الخليفة موسى
الخليفة ود الحسن
حسن محجوب ود ام النصر
عمر وقيع الله
عثمان وقيع الله
حسن الخليفة
ميرغني عبدالحى
وآخرين الله يعلمهم
تم التأجير لفة ود الحسين بالحلة الجديدة
العام ١٩٥٣
التركيب
تم التخطيط
هنا غرفة الوابور
هنى البيارة
هنوك الطلمبة
بى جاى الفازقيي
اها الفازقيي دى شنو سؤال
مادايرين نسأل
لكن التطفل كاتلنا بلغة الشمارات اليوم
تم تحديد العمل
الثلاث مواقع مع بعض
الطلمبة اخر حاجة
طيب الاكل
وجبتين فى اليوم
التاسعة صباح الفطور
الرابعة عصرا الغداء
اتقسمت الزومة
كردقل الفطور
الحلى الغداء
تانى يوم
الجبل فطور
من ودالريف لى الننقاب غداء
اليوم التالت
من الخليفاب لى ااموضاب فطور
شلك غداء
وهكذا تنتهى الايام
وتبدأ من جديد
المثير
فى ناس مفرغين للمتابعة
الدخول فى البيوت وحث النسوان للانتهاء
يافلانة يا علانة
الحريم فاتوكى
يبدأ الموكب
تنطلق الزغاريد
والصغيرين حول أمهاتهم
قبل الوصول إلى الموقع
مع شجر التمر
والواطا صيف
يرتفع صوت النساء
والصدى يعمل عمايل
والجماعة هناك ينفعلو
ويلتحم جيش الزومة الانثوى
مع رجال الزومة الأشداء
نزل نزل
فك الفوطة
جيب البصل
ارح ارح
دقائق تسمح الحمد لله
كب الشاى
ااجنا مافى جبنة
فى بالحيل
المشرفين واقفين
بالله يا نسوان
شيلن عدتكن
ياجماعة قومو نواصل
واحدين
عليك الله خلى السفة دى
تدخل فى راسنا دا
تتكرر الحكايي عند الغداء
وعند الخامسه
واحدين يطلعو
واحدين بمشو يجيبو قش الغنم
باذنه نواصل
البيارة
اعتقد عشرين متر فى عشرة
توضع فيها الطلمبات
وعبرها السحب
والى الفاذقيي
ثم الجدول الرئيسى
وشرق وغرب
حفرو
حفرو
حفرو
وصلو متر ونصف
عاملين ليهم درجات سميحات كدى
اها بعد دا
يوقفو الناس صف
كل زول شايل قفة كودنشبر
تبدأ الحكايي
دا يحفر
الجنبو طوالى يختها ف. قفة الكودنشبر
وتمدها للجنبك والجنبك الجنبو وهكذا زى ستين زول
تتكبا التراب هنااااك وبى فهم
طبعا الكلام بى اناشيد
واحدين بى شغل المراغنة وآخرين غنا عديل
البيارة دى اخدت شهر كامل وبنو الخنزيرة والجونتى زى السابتنك
بس امتن
المهندس رزق نسأل الله أن يطول عمره انتهى من تركيب الوابور
وانتهى من الفاذقيي
جاء العوام نمر أحد رجالات العظماء رحمه الله من مدنى
وهو مسئول مشروع الجزيرة
شايل شىء زى الكاميرات والله نضارة فوق عصايى
ويقيف وبعاين بالشىء دى
يقبل كدى وتانى يقبل كدى ونحن متمحنبن
ونعاين
يقوم يوجه
الجدول دا سوو كدى وكدى
قالو دا الرفع المساحى
عشان الانحدار وانسياب الموية
اكتمل العمل
الدعوات
المدير الإدارى ريفى مروى
القاضي المقيم مروى
رئيس بوليس مروى
مدير المستشفى
نظار الفرع
محمد ود سورج
ودبشير اغا
عبدالله ادريس
كنيش
العمد والشيوخ
حسن طه سورج
عبدالرحيم عبدوكاشف
وآخرين الله يعلمهم
تحدد الافتتاح الجمعة ٥/٧/١٩٦٣م
التاسعة صباحا
العربات
الجمال
الحمير
الخلوق
السيوف خارج الجفايل
البنادق اتعبت بالرصاص
يالله يا رزق
يالله يارزق
دل
دل
موية فى أربعة عشر بوصة
قشطت الفاذق
انضرب الرصاص
انشتت الرصاص
زغردن الحبايب
بكى الرجال
مبروك مبروك
اكرام الضيوف
الفطور شغال
الوابور شغال
قرار قوى
تزويج المهندس رزق بإحدى بنات الزومة
وانجب
امير ومرتضى واخوانهما
اقل من سنتين جابو وبوى ثانى
باذنه نربط هذا الموضوع بحريق هذه الوابورات
عام ١٩٧٧
ومافعله نادى الزومة العظيم
احترقت وأبورات الزومة
رقدت هبوود
خرد ما نافعة
الحال وقف
الزراعة خددرة
بقت تصوفر
بقت صفراء
بقت تكشكش
قلوب الاهل احترقت
قام الرجال
كل رجل أمة
احدى عشر رجل
هم
بابكر حسن المهدى رئيسا
يسن عبدالمجيد ترو
ابراهيم فضل المولى غباشى
عثمان الحسين الامين
يسن محمد أحمد خيرى
عوض محمد صديق البركل
طمبل يوسف
محمد محمد عثمان
محمد عثمان ود الزومة
يوسف محمود العونى
جادين سعد عمر
جو طوالى نادى الزومة العظيم
حكو الحكايي وهى معروفة
تمت اضافه إحدى عشر شخصاً آخرين من نادى الزومة
ورئيس النادى المرحوم احمد عبدالحفيظ
والسكرتير شخصى الضعيف
وبحكم المواقع بقينا جزء من الوفد. إضافة إلى
عوض خوجلي
على تميم
مبارك الكيك
وآخرين الله يعلمهم
قالو يمشو لوزير التعاون
ساعتها الوزير د.محمد هاشم عوض
الوزارة فى السوق الافرنجى
تفتح فى شارع البرلمان
المحل ضيق
قشطنا محل السكرتاريه ولا نفس
المدير التنفيذي قال خمسة يدخلو على الوزير
الجماعة قالو ابدا
ندخل كلنا
عمنا عثمان الحسين بلغته المصرية
زجرنا
دخل هو وحاج بابكر
ويسن ودترو وأحمد عبدالحفيظ
وانضم الشاعر اسماعيل حسن والذى وصل خلسة
لكن شكلو عاااارف وفوق رأى
السبعة عشر واحدين واقفين وناس قاعدة
والسكرتيرة متمحنى
الاصوات جوة مكتب الوزير عالية
تهدأ
ترتفع
جو مارقين
اها
خير
الوزير ادانا تبرع ثلاثةالف جنيه وسلفية ثلاثة الف جنيه
نحن نرجع السلفية من وين
الوزير قال لهم هو فى حكومة فعد تفتش ترجع ليها دين
دا إجراء شكلى
ودا سبب رفع الاصوات داخل مكتب الوزير
مرقنا
اسماعيل حسن قال تعالو
مشينا محلات اتنيه
محل سندوتشات راقى
طلب سمك زى الزلابية
وكل زول كباية عصير كبيرى
واحدين متهم مقتنعين بالفطرة دى
إسماعيل
قال الساعة اتنين تعالو لى فى الاتحاد الاشتراكي
الله
انا على المستوى الشخصي اتضايقت
نويسينى كان شافونى اقول شنو
يا زول
زومة زوما
مشينا الاتحاد الاشتراكي
لقينا
ابو السباع
لما لينا سبعة الف جنيه
أمانة العاملين
أمانة تطوير الريف
وهكذا
كامل محجوب
محمد احمد جحا
بقى المبلغ 13 الف
الصباح قبل السوق يفتح نحن قدام بيطار
حاج وداعة صادف فى الخرطوم
اشترينا وابور جديد بمبلغ عشرة الف وخمسمائة جنيه
حاج وداعة
والمهندس رزق
فللى البلد
ونحن دخلنا المرحلة الثانية
باذنه نواصل
السيد محمد عثمان الميرغني
الأستاذ عثمان سلمان محمد نور
رجل له تأثير شديد على شخصى الضعيف
درسنى فى التجارة الثانوية
سحبنى من البنك العقاري واشتغلت معه كاتب حسابات فى شركة إعادة التأمين الوطنية
خرجنا السعوديه سوا
بعد ربع قرن استغلت معه فى الجهاز الاستثمارى للضمان الاجتماعي
هو الرجل الأول
وانا الثانى
لما ترك العمل لظروفه الخاصة
شاتونى
التفصيل لاحقا
عثمان دا
ساكن السجانة
عنده بيت سميح كدى
مطرطش وسايفون
عايز ينزل إجازة
ماشى شندى
35يوم
الحكايي دى صادفت وجود الوفد
عرضت عليهم السكن معاى
البيت قريب من النادى
قريب من الخرطوم
وافقو بشرط
مالى دخل بى الاكل
بعد حوار
اتفقنا عليا شاى الصباح بس
واحدين يمشو معاى واحدين يمشو لى الاهل وتانى يوم يرجع
اها
بقينا يوميا فى النادى
وإسماعيل حسن يسوى فى الشعر
كلنا مبسوطين
الكونكان وقف
شعر بس
ونحن نضحك
نقرقر
يوم نص النهار اتصلو عليا
تجى تصلى العصر ف. الجامع الكبير
مشيت
لقيتون بى سلامتون
الشالات الصفراء المصرية
والعمم
والجلاليب بيضاء شديد
قعدت
قبل المغرب قالو ماشين الاتحاد الاشتراكي
محل وزارة الخارجية الهسع دا
دخلنا
استقبلنا اسماعيل حسن
صلينا المغرب
جاء الخليفة يحى
الخليفة ود طمبل
الخليفة الفقير
لابسين رسمى
بشتة بنفسجية
جابو تلاتة عربات بولمان
ركبنا
كل سبعة فى بولمون
اتحركنا
وين يا عالم
العم عوض البركل برراحة كدى قال لى
الدائره
بو
بحرى
انقطعنا جوة
لقينا ناس تصلى فى العشاء
صلينا معاهم
دخلنا فى صالون كبير كدى
قالو الختم فى عقد فى الشعبية
قاعدين وقاعدين وقاعدين
بعد ساعة
القيامى قامت
شنو
الختم جاء
دابو جابو لينا عصير كركدى
شربنا
جانا خليفة كبير
قال
ماتتحدثو عن الانتخابات
نحن عندنا موقف
نادونا
غرفة فى غرفة
زى عربات القطر
الغرفة الأخيرة
كبيرى
فيها باب بالجنب
الناس الصلينا معاهم
برضو دخلو
جماعتى انهردو تب
شىء لله يا حسن
وآخريات
جاء الختم داخل بالجنب
وقف خلف الكرسى
العالم تانى بدات فى الانشاد
قعد فى الكرسى
قعدنا أرضا
تحدث رئيس الوفد الخال بابكر
حصل لينا حريق
وفقدنا وفقدنا وجئنا هسع على الله وعليكم
انا قلت الليلة بابور عديل من الختم
فت وقف
قال الفاتحة
شلنا الفاتحة
ختا يد قدامو
والعالم تنشد وتسلم على الليد
ماعدى انا منكر بكسر الميم والكاف
فو مرق
مرقنا
ركبنا البولمنات
الناس مبسوطة
واحد يقول السلالة النبويه
والتانى يقول الختم عارن لى جوو عيونى
التالت يقول نور على نور
مانمنا
يضروهو لينا
يلوكو فى الحكايي دى طول الليل
لا الفجر
نواصل باذنه
عيد الاستقلال
النميرى رحمه الله فى اوالسنوات الأخيرة بقى يحتفل بعيد الاستقلال فى المدن
1/1/1978م
الاحتفال فى دنقلا
سافر اسماعيل حسن ال بحكم وضعه السياسى عضو بمجلس الشعب وأمين أمانة بالاتحاد الاشتراكي
هناك شافو نميرى
قال ليهو تعال يا اسماعيل
شوف المصالحة الوطنية دى جابت حزب الأمة وجماعة الإخوان المسلمين ونازلين انتخابات
اخاف يكتسحوها ويفقد تحالف قوى الشعب العاملة هذه المقاعد وتضعف موقف ثورة مايو الظافرة
اسماعيل قال ايواااااا
ياريس انا اصلا قعد أترشح فى الدالى والمزموم
والمرة دى عند اهلى فى دائرة كريمة
ومخ وقلب الدائرة دى فى الزومة
يعنى لوكسبت الزومة انا فائز فائز
اها اسويلك شنو
تديهم وابور بدل الاتحرق
طوالى
شنو
برقية الى القصر
تصدق بوابور للزومة
صورة من البرقية لنادى الزومة
هل تصدقون أن الخال بابكر ووفده
دخلو القصر
وناس القصر ما قرو برقيتهم
وإسماعيل فى دنقلا
أربعة وعشرون ساعة
الوابور موهط فى عربية حاج وداعة
وصل اسماعيل
اتعملت دعوة عامة الناس الزومة بالنادى
الزومة تعلن أن اسماعيل حسن مرشحها فى الانتخابات
بدأت الإجراءات
سافر الوفد
جهزو المنزلة لاسماعيل فى بيوت نمر
تحركت الوفود شرق وغرب للتأييد
ملحمة لها فصل
شعر وغناء
مديح ودوبيت
فؤاد السعيد جاب الفين صوت
اسماعيل ثمانية عشر ألف صوت
يا سلااام
باذنه غدا نبدا فصل من ملفات نادى الزومة العظيم
غرق المركب والنادى العظيم
ناسف للذين تابعو هذا الموضوع على موقع الزومة منارة. الفقراء بالشبكة العنكبوتية
ولكن
عدد كبير اعتقد محتاجين لهذه المعلومات
ممتاز جدا لو فى مداخلات عشان لجنة التوثيق تأخذ بها
هذه المعلومات تنشر الان على عدد من القروبات
1دفعة الاراك الوسطى
2نادى الزومة العظيم
3منظمة قبس الخيرية
4توثيق الزومة
5الاسرة
الاثنين 23/1/1966
يوم عجيب
ثالث ايام عيد الفطر
البرد القارس يلف الشمالية
والدتى رحمها الله فاطمة عبدالرحمن خوجلى
قالت قوم نملأ الازيار
جابت قروانتين
املأ واحدة تشيلا تدخل
ترجع تلقانى مليت التانيه
وهكذا زى عشرة مرات
جات زينب حسن
يا بت بلالية بننة ماتت
بت بلالية دى لقب الوالدة
بننة دى اخت حسن حماد ودبابا من مقاشى ولها رحم مع جدى عبدالرحمن خوجلى وتسكن الكرى بالغرب
توقف كل شىء
لا موية
لا ازيار
ثوانى معدودة
الوالدة أكملت لبس التوب ف. الشارع
انا شايل اختى الرضيعة سمية ومباريها لا عند حوش محمد الحسن تكرورى
اتلمن حريم الشارع وفاتن
الوالد وعدد من الرجالة فاتو بدرى
سقت حمارتى وماشى الجزيرى اجيب قش الغنم
وصلت القيف
لاقانى الزبير سواق البابور
معاهو
مرتو
بنتو
وولده
مصوبين جهة مقاشى
براى ركبت المركب
قدف قدف مرقت فى الجزيرى
حشيت قشى
تبيقة كاربى
رب فى المركب
قدف قدف
وصلت الشرق
رفعتها فوق حمارتى
من ساقة بخيت
على سواقى
النيداب
الكراكرة
عتمان
ولافوق
وكت مرقت من مترة الخليفة
اشوف الناس جارية على شلك
ولا قلت دا شنو
مشيت البيت
غديت البهائم
اختى امونة رحمها الله جابت لى فطور قراصة فطير بى ملاح خودرة
ابت تتقطع لى القراصاية
الشارع فار
يا امونة
يا امونة
المركب غرقت وفيها فاطنى اختك
لحظات عصيبة
جرينا
وصلنا البحر
هادىء
كانو ماحصل حاجة
باذنه نواصل
ونحن جارين
لا لاقانا جدول
لا تقنت
قرربت للبحر
لاقانى
ودابربروبا
محمد على ودامنى
ابو الصديق وجد حسين حسين محمد على
هذا الشهيد عزير جملة اعتراضية (
اصلا قالو وقع واتكسر شديد
ودوهو لى سعدالله ناس مهدى عشان يجبرو
استخصر الجبيرى
الزول منتهى
بعد سنين عددا
لاقاهو
قال ليهو والله لو عارفك بتعيش كان جبرتك سمح)
تانى لاقانى عمى جعفر
هدومو تشرشر
ماقدر يتكلم معاى
وصلت البحر
الناس كيمان كيمان
وقفت جنب مجموعة
المرحوم عبدالرحمن ود سعيد يحسب
الغرغانين هم
بت رحمة
علوية مرت يوسف
مرت خلف الله
بت خلف الله
و
و
و
زحيت بعيد
شفت ابوى ف. المركب الراجعا من الغرب معاهو آخرين
نزلو
شالو الفاتحة
ادانى نظرة
جدى محمد احمد خوجلى
جهز حماره للوالد
قالو الجنائز طلعت فى ح
حزيمة
أربعة
الوالدة
الستية زوجة النعمان ود الحريم
خضرة بت الحسين زوجة محمد الحسن تكرورى
سمية اختى
قبل الغرق الوالدة أدت بنتها لخضرة وعايز تصلح التوب
غرقت المركب
ظلت خضرة ماسكا البنية إلا أن طلعو جنائز
الوالدة مسكت فى التور الكان فى المركب
ناس حزيمة جدعو براميل
الوالدة فكت التور
مسكت البرميل
اندور
فكت
غرقت
الوالد ركب حمار جدى
نحن خلفه
تنهيدات صعبة من جدى
ناس مقاشى قابلونا وقالو
الجثامين مشت البيوت
اصطفت اللوارى فى درب الجمل
لهذا الغرض
وصلنا البيت
جبنا جثمان البنية من ناس ودتكرورى
مقابر الكراكرةجاهزة
انتهت مراسيم الدفن
رجعنا إلى البحر
المقر الدائم ذاك اليوم
نواصل باذنه
عائشه محمد عثمان القاضى
القنديل حاج الشيخ
صالح عثمان حردوب
محمد احمد الرشيد القاضي
زوجة الزبير سواق الوابور وابنتها
وآخرين الله يعلمهم
الناجين
الياس الخليفة
جعفر محجوب
سيداحمد موسى التبورى
يوسف رحمة ووالدته
كروع
محمد على ود ابربروبا
وآخرين الله يعلمهم
من اسباب الغرق للرجالة
خافو من الحريم بتشعبطنهم
واحدين اتجهو ناحية الغرب والغرق اقرب للشرق
القدر
بدأت الجثامين تطلع
والناس تدفن
والمركب لم تظهر حتى الآن
فيها عدد من الناس ومن ضمنهم فاطمه اختى
بجبوح فى الاراك محطة ريئسية للجثث
النادى العظيم
من اول يوم على نيدة ارسل التلغراف
اجتمعوا
قرروا
العزاء مكان واحد
فى النادى
السفر للبلد
فصل جديد نواصله باذن الله
ركاب المركب
٨٦ من رجل لامرأة لطفل
حمار على حماد
نور جخص
اتلمو وركبوا
خادم الله بت شمعون
والدة اولاد الهادى الحسين ختت كراعا فى المركب ومرقت منها خوف بس
امنة بت رحمة جات لى اهلها ومشو سوا
مريم بت الازيرق زوجة على فضل المولى حامد عندها ماشاء الله ثلاثة بنات وولد
الولد اسمه هاشم
اكبر من سامية
امو ساقتو معاها بدل سامية
ليه
خايفا عليهو يقع فى بئر جامع الننقاب
يعنى سامية دى قاعدة سلفقة ساكت
إرادة الله
من شارعنا
الوالدة وبنتها
خضرة بت الحسين
زينب حسن
فاطمة خلف الله
الروة حامد
علوية زوجة يوسف رحمة
الستية زوجة النعمان ود الحريم
صديق حامد
محمد ودالحاج ود الحريم
بت ودتكرورى السكارنة
حسن وقيع الله عمر
من مقاشى
خلف الله شبو
نفيسة سبو
محمد حسن حماد
فاطمة الحسن بربر
ابراهيم عبدالرحمن
الفراش بالنادى بدأ عصر الاثنين نفسه
قدام النادى
صيوان كبير
على أثره امتلك النادى صيوان متكامل من أموال أعضاءه
اتلمت الخلوق
ناس الزومة ومقاشى
مركز ريفى مروى بالعاصمة
الحكومة كاملة
من الأزهرى
حسن عوض الله
ابراهيم المفتى
شنان
الشيخ عبدالرحمن رئيس الوزراء
سيداحمد عبدالهادي
وآخرين الله يعلمهم
الأغلبية من الأهل حصلو قطر الاربعاء
والاخرين قطر الجمعة
الوسيلة الوحيدة ذاك الزمن
شخصيا اهلى وصلو الخميس
الساعة ستة كانو معنا
لحظات صعب وصفها
الخال عوض خوجلى
الخال على خوجلى
الخالةستنور
الاخت علوية
ابناء العمومة
اهلى الخيراب بلا فرز
الجمعة إلى البحر
آخرين إلى بجبوج
وواحدين وصلوا الدبة
كلوجثمان يخرج ويصلى عليه ويدفن طبعا اصلو مستحمى طبيعى
خمسة عشر يوما
قرروا
سفر الناس لأعمالهم بالعاصمة والمدن الأخرى
رفع الفراشات
مراقبة البحر بالتعاون من القرى الجنوبية
مركب الجن دى لا يوم الليلى لم تخرج
بها أكثر من عشرة شهداء
منهم فاطمة اختى
الحكومة شرفت وشاركت
بوفود معتبرة
على رأسهم. رئيس الوزراء
وعدد من الوزراء
بعدها جات إفادة طلعت تعويضات لأسر الشهداء
٣٠٠ جنيه للذكر و١٥٠ جنيه للأنثى
اجتمعوا ناس البلد زومة ومقاشى
وقرروا
يتعمل وقف للشهداء بهذه الأموال
والقرار
١ عمل مدرسة ابتدائية بمقاشى
٢ عمل مدرسة وسطى بالزومة
٣ عمل بنطون بين مقاشى والقرير
عام ١٩٦٧
تم التنفيذ
الرجال الذين فقدوا حبايبهم تزوجوا
ووالدى ويسن محمد احمد اتزوجو بعد اسبوع واحدم
اثار الإنتخابات
بعد أن انتهت الانتخابات وفاز إسماعيل
اصبح ناشطا فى نادى الزومة
ولن معجبين واشعارهه ويباروهوو محل ماعندة جلسة شعرية
أن جاء داخل النادى يي العجب
سنتين بس ابعاج جعفر نميرى حل مجلس الشعب وعمل انتخابات جديدة
اسماعيل أترشح
ترشح ايضا د.تاج السر محمد خير
واسمه التانى السر ختيمى
وكمان السر الكرو
ويقال السر الزومة
تربي فى بيت عماته
بيت رحمة
بيت حاج موسى
درس وحفظ القرآن عند شيخ احمد على حامد
كيف الكلام دا
اسماعيل والله السر
انقسمت البلد
بين الطرفين
لم تسلم النفوس
المناوشات اللفظية
الكل يكبر كومو
قبل الانتخابات ساءت العلاقات جدا
اجريت الانتخابات
فاز إسماعيل وبفارق كبير
مازالت المطاعنات مستمرة
يمكن فى خصام كمان
تحرك الاسد نادى الزومة العظيم
كون وفد برئاسة سيداحمد بابكر
عضوية احمد عبدالحفيظ
احمد نصر
على تميم
محمد الحسن نمر(لم يتمكن من السفر)
عبدالمطلب الفحل
خالد المهدى (رئيس النادى)
وآخرين الله يعلمهم
ثلاثة أيام قضى الامر
وانتهت الشغلة
تانى نميرى حل البرلمان
وقرر انتخابات جديدة
الزومة قالت كلمة واحدة
نحن برة
اسماعيل أترشح وفشل
وفاز واحد اسمه طه من لاجوة كدى
جات انتخابات تشريعية
المجلس التشريعي بالولاية الشمالية
وتنافس عدد من المرشحين
وبالاسف من الزومة ترشح قائدان
رجلان لهما المكانة والمنزلة فى المجتمع
هم
الأستاذ عوض محمد احمد محجوب درويش
والحاج بابكر حسن المهدى خشم الموس
لا املك معلومات متكاملة حيث اغتربت بالسعودية
الباب مفتوح لسد هذه الجزئية من المعلومات
النادى العظيم
بدأت علاقتى معه بصورة قوية ١٩٦٧م
بعد الغرق ووفاة الوالدة رحمها الله
جدى عبدالرحمن خوجلى
ساقنى فى إجازة المدرسة
منزلتنا بالديوم الشرقية
منزل الخالة ستنور رحمها الله
والخال عوض عنده اتنين دكان واحد فى سوق الديم والتانى شرق الديم بالشراكة مع المرحوم على عثمان الحاج رحمة
والسكن بالامتداد
الخال على خوجلى بالشجرة
يعنى انا وجدى حايمين بين الحيشان التلاتة
الخال عوض مرتبط بالنادى شديد
انا فى ضنبو
النادى متروس لا العتبة
زومة ودهسيرة
الفريق فى الدرجة الرابعة
الاعضاء ساكنين فى الحلة الجديدة والديم
قليل بالامتداد
البيوت مساحتها ميتين متر واقل ويسكنوها اسرتين وكمان تلاتة
عشان كدى الرجالة يجو النادى بدرى يوسعو على الحريم
فريق الكورة
برازيل عديل كدى
الحراس
عثمان خضر
عوض ملصا
الدفاع
عبدالجليل
ادم سلامة
ود الزين
عبدالمنعم سلامة
احمد الريح
الوسط
كمال على خليفة
بدرالدين
قدام
ابراهيم الزومة
كنة
محمد صديق
عبدالحميد
ويوجد غير أساسي
بدوى عثمان
على الطيب
محمد نصر
وآخرين الله يعلمهم
يوم الزومة تلعب بالليق
الزومة عن بكرة أبيها تجى
اها انا اجى سنويا
١٩٦٨
١٩٦٩
١٩٧٠
١٩٧١ استقريت نهائيا بالخرطوم
١٩٦٩
استلم السلطة النميرى
حل الأندية القبلية من ضمنها نادى الزومة
نواصل باذنه
من اول قراراته هو ضد العنصرية والطائفية والقبلية والجهوية
والله يبقالى الجهوية دى انقاذية
قرار فى قرار
لامن وصل القبلية
وذلك بحل الأندية القبلية ومن ضمنها نادى الزومة العظيم
جماعتنا طوالى استغلو اسم فريق الكورة فى اتحاد الكرة
قدمو مستندات دا فريق رياضي ومسجل
ها
ها
ها
تم الاستثناء
ناس الدهسيرة خارج الاسم
بدأت النقنقة
تطورت
الى كلام علنى
ثم المحاكم
طالعين نازلين
ابوخلف شايلا تقيلى
وقالو معرس جنية
المهم الجهات الرسمية حولت الامر إلى الجمعية العمومية لاختيار اسم
يوم الجمعية الاعمى شايل المكسر
المسئولين على المنصة
الصمت رهيب
انا حاضر
ينده واحد واحد
نعم يمشى يرمى ورقته فى الصندوق
من المغرب لا بعد العشاء
المرحوم على الكيك شوف عينى صوت أربعة مرات
فلان يندهوهو مافى طوالى يتناول غبانة من اى زول ويقول نعم
النتيجة ٤٩٩ الزومة
٦٢ لغير الزومة
لملمو ورقمهم. ومشو
وانتهت الحكايي رسميا
ولكن الأهل بالدهسيرة ما زالوا يعتبروننا اكلناهم وظلمناهم
نواصل باذنه
النميرى
رحمه الله
قائد الاشتراكية والتقدمية
بمعاونة الأحزاب اليسارية
استلم السلطة فى م
٢٥/٥/١٩٦٩
من اول قرارا
رجالات الزومة
نحاول نقسم الى إلى ثلاثة مجموعات
من البداية حتى السبعين
اوائل السبعينات الى نهاية القرن
من ٢٠٠٠م إلى اليوم
سنذكر باذنه الاسماء على سبيل المثال وليس الحصر
قطعا بعض الأسماء ستسقط
ارجو منكم المعالجة سريع بمداخلاتكم
كما زكرنا سابقا
ونبدا ونقول
سيداحمد بابكر
احمد عبدالحفيظ
احمد نصر
يوسف الفحل
محمد عثمان الحاج رحمة
السر حسين الرفاعى
محمد احمد عثمان وقيع الله
على الفضل
احمد ابن ادريس
خضر المهدى
عوض احمد عبدالرحمن
محمد الحسن نمر
عثمان احمد البشير
محمد الحسن ابراهيم
الخليفة يحى الصديق
صديق يحى الصديق
عوض عثمان غباشى
السر نصر
محمد احمد نصر
مبارك. احمد الكيك
سرالختم عبدالرحمن
عثمان على خليفة
حسن احمد كليدى
عثمان محمد سعد
عثمان فضل المولى
محمد على كرسنى
عبدالعزيز محمد الحسن تكرورى
محمد الحسن فتح الرحمن
فؤاد نمر
الي. وداعة الباشا
عبدالمنعم أحمد الباشا
اسحاق احمد الباشا
البركالى
ميرغنى صديق الباشا
جماع ميرغنى
صديق البدوى الصبى
خضر البدوى
وراق حمد
عبدالقادر فتح الرحمن
هاشم محمد احمد درويش
محمد عبدالرحيم عواد
السر ابراهيم عواد
الرشيد حسن المهدى
محمد عمر على
خضر على
خالد محمد خالد
حسن على خليفة
محى الدين الننقة
احمد حمد صالح ودالعطا
احمد الهادى الحسين
النوم خوجلى
عبدالباقى عثمان الزاكى
محمد صالح على طه
ابراهيم جعفر محجوب
احمد عثمان احمد
محمد نور محمد احمد
اسماعيل موسى
محمد موسى احمد
عثمان موسى احمد
محمد محجوب الحسن سكران
عطا على امبلة
خلف الله على الحسين
احمد علي الحسين
التوم ابعاشة
عوض الامين
خلف الله نصر
ابايزيد الحسين
محمد محمد احمد عبدالرسول
اسماعيل احمد خودر
عيسى عبدالحفيظ
يوسف العالم
احمد سهل
على درار
عثمان الزبير احمد
محجوب ابراهيم
محجوب مشاوى
على خوجلى
عوض خوجلى
عثمان العونى
عطاالله نوح
محمد جيب الله
عطاالمنان جيب الله
العوام نمر
بكرى ميرغنى
الرشيد على حليب
عبدالله محمد توم
صلاح محجوب ظريفة
محمود العونى
بابكر محمد احمد بادى
خضر جدعة
حسين جدعة
عثمان حسن الشيخ
عبدالصافى مرحوم
التوم خوجلى
السر عبدالرحمن
على ابنعوف
عوض الخضر التهامى
الفكى على الحاج
محجوب رحمة
على تميم
وآخرين الله يعلمهم
نواصل
الفكرة تحولت من خواطر وزكريات إلى توثيق وبالتالى صدور كتاب
عليه نبحث عن المعلومة الدقيقة لتاخذها اللجنة وتضعها فى مسارها
الأسماء التي كتبت امس القصد منها التوثيق لمن خدمو النادى فى عضوية لجان مجالس الإدارات
وراكبين عجلاتهم وكدارى يجمعون الاشتراكات ويتابعون الفريق كرة قدم وفريق الهوكي
ليس قادم الخرطوم مطلوب رصده والا أصبح تعدادا وليس توثيقا كما قال لى عمر عثمان بن ادريس
الفريق ترقى إلى مصاف أندية الدرجة الثالثة عام ١٩٧٠ ويعتبر انجاز كبير لفريق تسجل بالدرجة الرابعة قبل أربعة سنوات
فى هذه الفترة الشباب القادمين من البلد البحث عن العمل ماعندهم سكة غير نادى الزومة
يا سينما يا انداية
القيم تمنعهم
الكاش سكو
اعضاء النادي يشبعون رغبتهم بل تحت النظر
فى حبة تفلت
قوانين ولوائح النادى بالمرصاد
نذكر بعض الأسماء مع الاعتذار لهم الحيين والميتين
على الكيك
الطيب ودامبلة
عبدالحليم على خليفة
محمد فتح الرحمن درداب
محمد نصر
حسن خلف الله
الواحد يعمل غلط
الاحمدين قاعدين
خطاب بعدم دخول النادى اسبوعين اوشهر
طوالى الشلة تعمل نفس الغلط بى ضبانتو
ويستلمو خطابات الايقاف
ويقعدو قدام النادى جنب عراضات الميدان
الناس يمرقو يمشو معاهم البيوت
السكرتير سرالختم
على الكيك رحمه الله
معذبو عذاب
يتصل على تلفون النادى
اعتقد ٤٢٨٤٣
عايز السكرتير
يجى سرالختم
الو
معاك علاء الدين احمد
شكلة
يقفل الخط
السبعينات
فترة حافلة بالاحداث
اغلب الناس وصلو العاصمة فى هذه الفترة
الجامعات تستوعب
معاهد التربية بالدويم
لها منتسبين من الزومة يمرون عبر الخرطوم
اسباب متعددة جعلت العاصمة جاذبة لاهل الزومة والاقاليم
النادى ماشاءالله
قيادات شابة تحت نظر وامرة كبار الزومة
لقطات مهمة
الاشتراكات عشرة قروش
ويتوزع المناديب شهريا لجمعها
الحلة
الديوم
الامتداد
السجانة
الشعبية والمزاد
أما الصحافة واركويت
والحاج يوسف
كانت جديدة وناس الزومة بسيطين ولكن لما يقابلو واحد منهم
بدفع يعنى يدفع
يوم الاجتماع يتم التوريد والتقرير
الامتداد طوالى تجيب مائة وعشرون قرشا
كم سنة كدى والمندوب السر عبدالرحمن طه
اها فى سنة كدى اعتذر عن دخول مجلس الإدارة
وجاء واحد اخر
الاشتراكات بقت سبعين قرش بالكتير ثمانين قرشا
السبب اتضح أن السر عبدالرحمن طه يدفع المبلغ من جيبو وكان الله يحب المحسنين
امر آخر لابد من ذكره
ظروف ضاغطة ومافى قروش
ولكن الأمر جلل مالوش حل
عمنا احمد عبدالحفيظ باع غنماية اللبن فى بيتو رغم توسلات المرحومة رقية طه
انهم هكذا
نواصل باذنه
السبيعنات
الفريق أصبح من فرق الدرجة التالتة
عثمان محمد سعد توشح بسكرتارية النادى
تحت رئاسة احمد عبدالحفيظ
عثمان يلبس البناطلين ومرات معاها كرفتة
ليه
شغال شغلة تانية ف. فندق اكسيليور بالمساء
نشهد له بالتميز
وهو أول من رشحنى عام ١٩٧٣ لدخول مجلس إدارة النادى وانا طالب فى ثالثة ثانوى
هذا شرف اعتز به لطالب عضو مجلع إدارة
وين
نادى الزومة العظيم
يا الللله
تراس مجلس إدارة النادى العم حسن احمد كليدى
راجل نضييييف شديد فى ملبسه وفى مسكنه
أن جربت الكرسى وخرش الواطة
تجد نظرة حادة دون كلام
السكرتير محمد الحسن فتح الرحمن
عملو ون. تو
استلم الزعيم احمد عبد الحفيظ مرة اخرى وسكرتارية مبارك الكيك
والنادى يؤدى رسالته على أكمل وجه
وبالتنسيق مع قيادة البلد
واصل المجلس وانضم مرة أخرى سرالختم عبدالرحمن
جات توتوكورة
نواصل باذنه
توتو كورة
مصيبة حلت بالبلاد
مراهنات على نتائج المباريات
يتم اختيار احدى عشر مباراة على مستوى السودان تلعب يومى الخميس والجمعة من كل اسبوع
الجمهور يشترى تزاكر ويكتب توقعاته وتكهناته للنتائج المتوقعة ويسلم هذا الكبون قبل انطلاقة للمباريات
تم تجهيز البلد لهذا المنشط أكشاك ومكاتب ولوحات ضوئية فى كل الشوارع ولوحات تعريفية
الجوائز
الاولى 11من11
الثانية 10من11
الثالثة 9من11
الاولى صعبة نوعا ما
التانيه الناس بجيبوها
الثالثة اغلب الناس بصلوها ولكن بتكون المبالغ ميتة
الزومة طوالى الجماعة ديل مدخلنها ولا تخذل المراهنين
اسمو يروسو الزومة
وهى ما شاء الله ماها خاذلاهم
ظهرو جوكية التوت
الزومة لاعبا ضد فريق الاخلاص الامدرمانى
السودان روس الزومة
الجوكية دخلو
اشترو اربعة لاعبين
الحارس
الثيردباك
لاعب نص
مهاجم
النتيجة 7صفر لصالح الاخلاص
فضيحة ضمة
رئيس النادي احمد عبدالحفيظ
النائب احمد سهل
السكرتير سر الختم
امين المال مبارك الكيك
استقالات جماعية لهؤلاء الضباط. وفيها حليفة كمان
احمد نصر مشى دفع لمساكين حول الجامع الكبير عشان ناس الحليفة
برضو رافضين
اصلا سرالختم مبتعث خارج البلاد
اهااااا
انا العب فى الكونكان
زميلى محمد محجوب ودظريفة
جاء احمد سهل
ياهاشم
ممكن تشتغل سكرتير
جدا
ومحمد دا نائبى عندك مانع
ابدا
نجوى بكرة اجتماع
امين الخزينة محمد احمد نصر
الكلام ده اول عام 1976م
فى نهاية عام 1975م السعوديه زعلانة من قصة توتو كورة دى
جاء الملك خالد بن عبدالعزيز ملك المملكه العربيه السعوديه زيارة رسمية ومن ضمن أهدافه الغاء المراهنات
استقبل استقبالا حافلا
وبالمناسبة آخر زيارة لملك سعودى للسودان
يا والله فى ساحة المطار عن الاستقبال نط الوزيرة فاطمة عبد المحمود وزيرة الرعاية الاجتماعية
ما صافحا
سفرتو بى هنى
الرئيس نميرى ألغى توتوكورة
نرجع لى ورطتنا مع احمد اسهل
لجنة انا عمرى 23 سنة
محمد محجوب يكبرنى بى سنتين
وباقى المجلس فى
احمد سهل
رجل اديب
معلم على مستوى
مسئول فى النشر التربوى التابع لوزارة التربية والتعليم
منضمة
سياسى محنك
مع الختمية ما يخلص
تستمتع بإدارته للاحتماع
واصلنا مافى دورى
كاسات ساكت
الاتحاد بتوجيه من نميرى عمل مباراة بين الهلال والمريخ على كأس الذهب والدخل لعمل خيرى
المريخ مليان نجوم واستعداد جد
الهلال اقل استعدادا
تحدد الموعد
نزل الفريقان الملعب
ابعاج قاعد فى المقصورة
المريخ يحرز هدف
قبل النهاية بخمسة دقائق
محسن العطا يرتكب مخالفة بلنتى للهلال
قاقرين يحرز
النميرى خرج طوالى
مريخابى منتهى
أعلنت بعد اسبوع المباراة لتحديد ملك الذهب
النميرى زاغ ما جاء
جاء نائبه الباقر
الدحيش هدف
على قاقرين هدف
انتهت 2 صفر
الهلالاب يهتفون
ما قال بجى مالو ما جاء
أصبحت قضية سياسية
أعلنت مباراة أخرى لدعم الثورة الصحية
برضو على قاقرين يحسمها 1 صفر
الأمر جلل
النميرى لغى الكورة فى البلد
ويهتف لا هلال لا مريخ دلا موردة لاتحرير
كان هذا مساء 26/4/1976
تاثير على الكورة
وعلى نادى الزومة العظيم
الرياضة الجماهيرية
النميرى لخبط الكورة
وقال يعملها عن طريق الاحياء والمحافظات والمديريات
ما فرق رياضية
تكونت اللجان
لتكوين الشكل الجديد
المرحوم احمد نصر مع المارشال يحى الطاهر شالو ليهم جردل بوهية وفرشة
شطبو اليافطة فى نادى الزومة ونادى جلاس
وكتبو
نادى الزومة الثقافى الاجتماعى وكذلك نادى جلاس
صباحا بودرى مشو وزارة الشباب والرياضة
علاقة المارشال وثبتو النادببين
كان ممكن يستلم نادينا ديم سلك
يالهوى
طبعا الاعبين توقفو والاغلب هاجر
الفاضل سانتو وكسلا وبشارة الى النصر الاماراتي
قاقرين والنقر الى النصر السعودي وهكذا
نادى الزومة اصلا تأثر ب برحول أعضاؤه إلى الصحافة واركويت والحاج يوسف وكمان مشو مسكو هناك التعاونيات والجمعيات الخيرية وأصبحو زعماء خريجين من مدرسة نادى الزومة
النادى فاضى
المفاتيح نسخة عندى ونسخة مع محمد احمد نصر رحمه الله
انا ساكن اركويت
ازور الضريح دا وألقى ناس الحاج ودبشرية والطيب صديق وأحمد فتح وأحمد عواد وآخرين الله يعلمهم
فشل النميرى والهمهمة على أشدها
بعض الكتاب ظهرو
ضغط جماهيري
وافق
أصدر قرارا
بعودة الرياضة
ذلك فى 10/2/1977م
عودة الرياضة
اتلملمنا
محتارين نبدا من وين و نسوى شنو
الريس احمد سهل
وانا
محمد محجوب
محمد احمد نصر
هاشم درويش
عثمان على خليفة
الاحمدين قاعدين
اها
احمد سهل قال ابيت ما داير
ياريس
حنس حنس
جاء الفرج
جونا ناس الأهلى الخرطومى
قالو دايرين هاشم عزالدين
جدا
نحن خزنتنا يخربا
اهو تدفعو كم
غايتو عثمان رحمه
وقف دوت
الا ثلاثمائة جنيه
وافقو
دفعو
فكيناهو
اخونا هاشم درويش
مشى جاب لينا خمسة لاعبين من الشرطة
تلبن ضمة
غلاد
باقى لعيبتنا
فتشناهم جبناهم
بدأنا
الحركة بقت فى النادى
تانى ناس الأهلى جو
دايرين ابراهيم محجوب أو ابراهيم الزومة كما يحلو للبعض
برضو ثلاثمائة جنيه
الحكايي دى خلت الريس يرتاح ويوصل
وابور ود التيكل
محجوب ود التيكل من اعظم وافخم واجل رجال الزومة
رجل صبوح
فيه خير كتير للبلد
رجل طويل القامة
اصفر اللون
نحيف الجسم
يبتسم لا يقهقه
من أسرة قرآنية
عمل وابور زراعى مضربه فى الكرو
يسقى الكرو
الدهسيرة
الزومة
اتعملت الجنابيىة
اتفتحت الجداول
معاهو لجنة قوية
السكرتير محمد احمد الزين
الاعضاء على سبيل المثال
عثمان ود ترو
خليفة عبدالرسول
خلف الله ميرغني
على عبدالحفيظ
عثمان ود حمدانة
محمد حسن احمد
محمد احمد الزومة
فتح الرحمن درداب
عبدالغني جيب الله
وددكانى
وآخرين الله يعلمهم
اتعملت التعريفة
وبدأ العمل فى أواخر الخمسينات
والناس تسقى
وتتسدد قيمة الموية بالمواقع
خلوة العوناب
خلوة شيخنا
دكان خلف الله
جامع الننقاب
جامع الزاكياب
جامع الحلة
جامع ود التيكل
الدهسيرة
مواقع بالكرو
الناس مبسوطة
والزراعة مفرهدة
بدأت المشاكل
الاسبيرات
تكلفة التشغيل
الموية بقت تتأخر
الزراعة تأثرت
بدأ الشباب يتنحننون
بتهامزون
يشتكون
حدو وين
الكلام بقى علنى
الشيوخ واقفين مع إدارة المشروع
بدأت المواجهات
الشباب ساعتها
بابكر حسن المهدى والشيوخ يقولو ليهو ود الطرشانى
عوض البركل
عوض الزومة
محمد محمد عثمان
جادين
يسن محمد احمد
ابراهيم فضل المولى
ديل رأيهم يجيبو وابور زراعى للزومة
وراهم تحت تحت
محمد الحسن تكرورى
الفوجاب
قسم السيد حسين
على طه
وآخرين الله يعلمهم
بدو جمع القروش
وناس رافضا
ابوى رحمه الله
واقف الف احمر
بس مع ودالتيكل
الحكايي بقت جد
القروش اتلمت
طوالى الشيوخ غيرو ،180درجة
وانضموا للشباب
حتى الوالد دفع نصيب الساقية ويحاسب إخوانه بى طريقتو
نواصل
خلاوى الشيخ احمد على حامد بالزومة
قبل أكثر من مائة عام بدأ الشيخ على حامد تحفيظ كتاب الله لعموم اهل المنطقة شرق وغرب
استلم المهمة بعده ابنه الشيخ احمد وواصل المسيرة وحفظ على يديه عشرات الشباب
جيلنا دا قرأ عند شيخ احمد فى الخلوة قبل المدرسة وحفظنا الأجزاء الاوائل
بعده استلم الراية أبناءه حامد وعبدالباقى
والى اليوم
قيض الله لهذه الخلوة شباب من الزومة
صلاح الفوال
هاشم خليفة
د.احمد محمد عبدالمجيد ترو
لاحقا حماد احمد حماد
عن طريقهم وكلا بسهمه
جاء محسن قطرى وعمل مسجد جديد فى مكان القديم
المحسن القطرى عبدالرزاق الريس
لمو فيهو اخوانى الذكرناهم امس
وطوالى هاك يا خرط
هاك يا ورق
حول الكاش حول
اللجان جوة وبرة
كسر كسر
احفر احفر
طق طرق
ابنى ابنى
ظهرت معالم المسجد
اكتمل
بى فرشو
بى مكيفات فريونو
بى منبرو ومحرابو
الله اكبر الله اكبر
تم المسجد
والشيخ التزم بمصاريفو كلها
كهرباء
موية
كندشة
مرتبات الامام والمؤذن والنظافة....الخ
بعد ربع قرن جانا الشيخ ذاتو فى الزومة
سنة 2013
وقال
عايزين نطور الحكايي ونعمل المجمع دا بصورة حديثة
داخلية سكن واعاشة
وطوالى بدا
تعويضات لاصحاب البيوت الحول المسجد
والكتار طبعا تنازلو
هاك يا تحويلات
يا مقاول
لجنة بالخرطوم
واحدة بالبد
يالله يالله
اكتمل العمل ابريل 2018
جاء الشيخ ومعه ولده وصديقه للافتتاح
الافتتاح
تم قبول خمسين تلميذ
تتراوح الاعمار من ستة إلى طاشرات
لجنة الخرطوم
لجنة البلد
الدمج بين اللجنتين
مشينا المطار
اللجنة استقبلت الشيوخ المحسنين
عبدالرزاق
ابنه احمد
صديقه ابوعبدالله
سبقهم اخونا هاشم خليفة
نزلناهم فندق كورال
مولانا احمد عبدالمجيد عمل دعوة مسائية
سمحة شديد
صلينا الصبح مسجد الشهيد بالمقرن
مشينا امبدة شربنا الشاى المقنن مع كمية هائلة من الزلابيه بى شيوخنا
امير الرحلة الفريق كمال عبدالمنعم الباشا
تحركنا
وصلنا تنقاسى
المعتمد قال منتظركم فى مدخل مروى الساعة الحادية عشر والنصف
الان العاشرة والنصف
غشينا مزرعة عبدالعزيز رئيس نادى الزومة بالقرير
مشينا تنقاسى قعدنا عند ست الشاى بى شيوخنا
شىء شاى
شىء جبنة
شىء جنزبيل
اتحركنا
وصلنا المدخل
لقينا المعتمد واركان حربه
تم اللقاء الحار
تحركنا
بى صفافيرنا
سارينا
وصلنا مدخل الزومة بالشرق
لقينا شنو
عشرة فراس على الجمال
كامل الزينة والعتاد
ختو عربية المعتمد والضيوف فى النص
ونحن و راهم
ثلاثة كيلومترات
وصلنا المجمع
لقينا الزومة كلتها
رجال
نساء
شباب وشابات
اطفال
لوارى
جمال
ضرب الرصاص
زغردت النساء
كبر الرجال
تم السلام
احتضنو الضيوف
دخلنا المضيفة فيها صورة شيخ احمد علي حامد
بدأت الضيافة
الفطور
الشاى
القهوة
اها عند قراية الطلبة
والقعدة موزونة
الطواقى محكمة
تأثر شيخ عبدالرازق شديد
ادمعت اعينه
وقال زيدو العدد
مائة
مية وخمسين
ميتين
لا تشيلو هم
لاحقا بعد اسبوع ناس حسين حسين عملوا سراير جديدة بمستلزماتها
مرقنا الصيوان
بابكر عثمان
صوت قوى
عبارات قوية
قدم المتحدثين
عبدالعزيز رئيس الزومة طلب أربعة حاجات باسم الزومة
ترفيع المستشفى الى تعليمى
تاهيل المدارس الثانوية
العنايه بالمدارس الجديدة
المساهمة فى شبكة المياه
احمد عبدالرزاق الريس
ولد الريس ذاتو
وقال
اول مرة اترجل
هويقصد اول مرة يتحدث أمام جمع
ونحنا ضحكنا على المعنى الأول
تحدث المعتمد
وأعقبه الوالى
ماصدق ديل ناس الزومة
قال كلام سمح
والتزم بطلباتنا
قالو البحر
فى شنو
وضع حجر الأساس لمشروع مياه الزومة بالحمداب
ار اى اتحركنا
فطرنا فطورا سمح
حاجة تشرف
الضيوف القطريين وهاشم خليفة
المعتمد وحاشيته ايييك
جماعة الزومة من الخرطوم برانا عشرين
أذن المؤذن
دخلنا الجامع
خطب الشيخ عبدالباقى
خطبة فريدة
اكاد اجزم افضل خطبة فى حياته
صلينا
مرقنا
انتظرنا والى الولاية الشمالية
مشينا ليهو فوق فى الزلط
البروتوكول قالو كدى
استقبلناهو
جينا نازلين ون ون ون ون
طوالى على مكان الاحتفال
بدينا بالمجمع
ماشاءالله
الطلبة حلوين
لبس نضيف
ادونا نماذج فى الحفظ
مشينا الصيوان
بدأ الحديث
نواصل عن مجمع خلاوي الشيخ احمد
عقدنا بى ضيوفنا وشيوخنا
الحكومة فاتت
الوالى رجع دنقلا
المعتمد داير يمشى
قلنا ليهو يا زول
البلد مقشطى من بنزينايا
نرجع بى شنو
نحن جايبين معانا بس ناقص
كلم زول الأمن
قال بنسق
فاتوا خلاص
بعضا منا ساق القطريين
إلى مدينة مروى لاند
حاجزين ليهم
مشو
نحن مشينا بيوتنا
عشرة بالليل جو ساقو تلاتة عربات
حقتى
ابايزيد وحدة تالتة
اصلو الفريق كمال جماعتو ماشاء الله خلوها
يشرب منها الزرزور
بالدس وطافين النور امتلأت التنوكة
الحمد لله
اصبحنا
ماشين مروى
الجبنة عند الفوجاب
انقهوجنا
بلغنا الضيوف نحن قراب
دخلنا مطعم الموردة
نزلنا السمك ربط ربط
الشطوط
الليمون
البارد
الفول بالجنبة كدى
الشاى
البن
مشينا مروى لاند
عمل اجتماع عديل
معانا قادة الزومة
حسن تجم
محجوب محمد يوسف
هاشم بشارة
عادل حسن
وآخرين
الاجتماع
شبعانين تب
قعدنا فى الطاولة
خلص الاجتماع إلى
تكملة نواقص المجمع
٨٠٠٠٠ دولار للمستشفى
٤٠٠٠٠ جنيه لبير الزومة وسط
وقفنا الشيخ قلنا ليهو كفاية كفاية طبعا نحن رامين قدام
اتحركنا
الفريق كمال معاهو القطرى الريس وصاحبه ابو عبدالله وعلى الباشا والمقدمة
البعده الريس عبدالعزيز ومعاهو القطرى احمد الريس وحسن عوض وآخرين
بعدهم سيارتى الخائنة
التى كانت دار تؤدى بحياتى انا وصاحبتى نجوى ومعاى آخرين
وسيارة مولانا احمد محمد ترو
سيارة أباذر
سيارة ابايزيد
وسيار أن أخرى
سيدا على الزومة تانى
وضعنا حجر الأساس للمختلطة الجنوبية نيابة عن سكوتة
طز على مقاشى
برنامج المدرسة القرآنية
برنامج حليو
عجب الضيوف
ناس مقاشى قالو لينا بعد ما مصيتوهم جبتوهم
اتبرع ليهم بمبلغ ١٦٠ الف ريال قطرى لبناء مسكن لشيوخ المدرسة
اها على الشارع
اول وقفة الملتقى
الشريان
الغداء وين
مزرعه وددوانة
اها دى دايرة حديث
نواصل
ياالله
التمتام
القبولاب
بوحات
ابوضلوع
الحميدى
التفتيش
طبعا قصة عربية الفريق كمال قدام البوابات تفتح طوالى
لا رسوم لا سؤال لا كلام
خليفة يقول أيوة ونحن دايسين
قربنا لى المزرعة
الكيلو ١١
وصلنا المدخل
واقفين لنا فى الزلط
حال الحياة
دخلنا
المغرب
اتوضينا
صلينا وجمعنا كمان
اها عاد
احفاد ود الزومة
ايى هيه
نزل الصفر
كبسة
جداد مشوى
جداد على الشواية
شيش طاووق
لجنة محمرة ردم
لحمة ضلع هبر عبر
الرز طاعم
الفواكه ما تتحسب
تفاح
عنب
مانقو
كمثرى
بطيخ
حتى الموز جابو
يمين الله القطريين ضلوعن طقطقن
القهوة
الشاى
هو شنو
سلام احبتنا
احمد
والدكتور وعمر واخوانهم
وأصدقائهم
صلاح على مجيد
والفوال
وآخرين
حسين محاسن
الحكايي عجبتو
عمل برنامج
تحدثت انا قبساوى
تحدث عبدالعزيز ناداوى
تحدث احمد الريس قطراوى
وقال شعرا الخزين الصحفى المرافق
تحركنا وفخورين بى اولاد دوانة واصحابهم
إلى فندق كورال عدل
تم التصوير والوداع
ودخل الضيوف الى غرفهم
وتفرغ الجمع ولا يودون
غدا سافر الاحباب الى الدوحة
نواصل
الحمد لله
تم المطلوب
متبقى
المتابعات
موضوع للمجمع ظهر فيهو جديد
طبعا. تم تعيين اتنين من الخرطوم شيوخ تحفيظ
والمساعدين من البلد
إضافة إلى الاداريين
والعمال
يوم الافتتاح واحد من الشيوخ زعلان دار يطق
ابى يشارك
القطريين لما دخلو على الطلبة قام زاغ
نحن ما جايبين خبر
فى الصيوان سكو
مولانا دعانا لاجتماع فى النادى للتقييم
من الضمن حكى قصة الشيخ. وقال كمان الشيخ سافر اهلو فى ود الفادنى
بقينا نبحث عن بديل حسب الشروط مجاز من جامعة القران الكريم
ما ساهلة
النلقاهو يعتذر أو يطلب مدة
اها
اها
لقينا
وديدتو لى مولانا
اعتمدو
شجعنا كمان عنده أربعة أولاد عايزهم يحفظو
استاذ فى المدارس القرآنية
سقناهم الشمالية عشان يتنورو
رحلة الانقلاب
دخلنا المسجد مع الاذان
سلام
سلام
سلام
سلام ناس البلد السمح
أقيمت الصلاة
بدأ شيخ حامد
قراءة بصوت مزامير داوود
خشوع
سكينة
سلم
بدأ الدعاء بصوت عالى
ونحن نؤمن
دعاء مؤثر جدا جدا من قلب صادق
انتهى
فت انا نطيت وقفت
قلت ليهم
دعاء شيخ حامد دا شدانى
انا جيت من الخرطوم الان
ومعاى شيوخ التحفيظ ديل
واحد حيستقر معاكم فى الزومة
والتانى امام مسجدنا باركويت مرافقنى زيارة لكم فى الله
قوم يا شيخ عبدالواحد
وقف
اها دا شيخكم
اتحدثت عن قبس ومشاريعها
واسال الله ان يتمها
تانى شيخ حامد دعاء لنا والقادمين من الخرطوم ومن خارج السودان
كان صلاح وخالد يسن متواجدين
اجتمعنا فى المجمع برئاسة الشيخ عبدالباقى
رتبنا الأمور
خليت الشيوخ ومشيت البيت
الواطا حارة
غايتو
نواصل
انقلاب صاحبتى البرادو
منذ ١٩٩٩. اعشق البرادو
كنت مدير مكلف للشركة بجدة
جابوها ليا
من شدة ريدتى ليها ادونى ليها هدية وجبتها السودان و رخصتها
ودخلتها فى مقايضة واشتريت برادو
طوالى انا والبرادو حبيبتى
لا يومى ويومكم دا
اول امس اشتريت برادو
الله يدنينا خيرا ويكفينا شرها
يوم الجمعة فطرنا فى بيت ابن عمى عثمان جعفر(,سماية حفيد)
وعملنا دعاء السفر
مدام نجوى ماشى تزور ابوها وكمان ترافق زوجها
الشيخ عبدالواحد (الاستاذ) ركب وانا جايب معاى امام مسجد اركويت
ركبوا و را
وبسم الله
مشينا صلينا الجمعة فى مسجد مستشفى امبدة النموذجي
تحركنا
رحلة عادية
الرابعة والنصف نجوى مع ابوها
انا والضيوف فى بيت حسن ابشنب
قبل المغرب لى عشرة دقائق اتحركنا تجاه المجمع الاسلامي
بعد دكان عبدالله الملك ونحن لافين على المجمع
لاقانا الطيب ود امبلة
سلام حباب
اها راجعين متين
قلنا صباح الأحد
قال معاكم
جدا
قضيت يوم السبت دا فى البيت
الواطا حارة تفقش الحبايا
المكيف صوت عالى ولا مخرجات
الظهر والعصر غلبنى امشى الجامع
صلاة محلية
العصر داعنى ناس النادى الحضور التمرين
مشيت
بس خمسة دقائق القيامى قامت
هواء
مطر النقطة قدر عين الحمارة
دخلنا النادى
احتفلو بينا
كمان جابت ليها كلمات
وتشجيع للشباب
صلينا المغرب
قصينا حاجات قبس
الحديد
الطوب
شغل احمد دوانة
مشينا شربنا الشاى والكيك من ايد الريس المغداد
وادعتهم وطبعا معاى حسن ابشنب
مشينا الى عمر دوانة
هدومنا مبلولة
الراجل اكرمنا
رجعنا البيت
الكهرباء قاطعة فى كل المحلية
نواصل
رجعنا البيت
مافى كهرباء
تنقنق
وقفت
كر كر جربت السرير
نص الليل بدأت تنقط
دخلت البرندة
نار الله الموقدى
وقفت مرقت
نقنقت دخلت
ياهو كدى
ار لا جوة
كر لابرة
مافى صوت اذان
صليت قبلى
اغلب صلواتى محلية
حسن جاب الشاى
نشرب ومتانسين
توف جاء داخل الطيب ودامبلة
سلام طيبين زينين
اتفضل
لا شربت الشاى
جيت داير اتاكد من السفر
أيوة باذنه السفر بعد شوية
الفطور سمك بمطعم الموردة
بجيكم فى المجمع
طوالى فات
الثامنة والنصف إلى المجمع بعد وداع اهلى
لقيتم جاهزين
والطيب شايل قفة تمر
عبدالكريم بخيت جاب لى كرتونة من عنده
مع السلامه مع السلامه
اتحركنا وموية المطرة كتيييرى
الناس على طول الشارع قاعدين جنب الموية
شىء سمح
وصلنا بيت ابراهيم الخليفة
الشابة نجوى ركبت
انا سائق
الشيوخ فى النص
الطيب ورا خالص
دايرين نتحرك
ابراهيم الخليفة قال
الطيب ساعد هاشم دا فى السواقة
حاضر
دا الفيلم
نواصل
تووش مروى
مطعم الموردة
اها السمك اااجنى
السمك متأخر
اقل شىء ساعتين
لا حولا
خلاص جيب الفول
دى قسمة شنو
جابو
بى جبنتو
بصلو
طعميتو
برضو مانا راضين
الشاى
الجبنة
اتحركنا
انا نعساااااان
من المطرة النقناقة
مرتين ادقس وأخرج من الشارع وارجع زول حاسي بي مافى
تن تن تن لاعند الملتقى
نزلنا
اشترينا رطب للشيوخ
ارح ارح
اها
الطيب تعال سوق
وطوالى قعدت ورا
خليتو امام الامر الواقع
أتردد
مافى حلو
ركب
الشابة على يمينو
الشيوخ خلفة
انا ورا مع الرطب
قام جارى
انا قلت ليهو
اولا السرعة ٨٠ بس
القدامك ديل ناس الأمن ما تقوم تكشهم
بعدين العربية اتوماتيك
شيل يدك من العصابي
ما تحت لينا القير
سمع الكلام
واصلت انا
ديلاك ناس مرور
هدن جنبهم
فعلا
مشينا
اطمانيت
نمت عديل عند الكيلو ٢٧٠
عند الكيلو ٢٠٣ وباقى خمسة فقط التمتام
والشارع لافى
وحسب رواية الشيوخ
الطيب يفتش فى الصعوط
ورب نزل من الزلط
انا صحيت
الطيب الطيب
خليها تمشى
اتلخم
داير يرجعها الزلط
حمنديرا فى الزلط
الحمد لله مافى اى عربية من الاتجاهين
وكف قلبنا وكبانا
نواصل
اتقلبنا
ار ار فى الزلط
وكت وصلت الرملة
انكفت على اليمين
ورجعت واقفة
البابات القدام اتفتحو
نجوى ياحليلا
طارت برة
الباب الانفتح دا يفتح نحو
لاقاها راجع وخبتها ودخلها تحت العربية
والعربية لساتكها الاربعة غارزات فى الرملة
الشيوخ كالاتى
اليمين رأسه تحت الطبلون
والتانى تحت الدركسون
وانا شايف السراويل
والطيب واقف برة
يا الطيب نجوى وين
ااااا
ااااا
يفتش بى قدام
مشى بى غادى
دنقر
لقاها تحت العربية
جراها
يقول ياهاشم لا الله الا الله
لا حولا ولا قوه الا بالله
انا شفتها ماتت
قبلت عكس
أتلفت دخلوها فى بوكس
فتحت الباب ونزلت
مشيت ليها لفيتا تتنفس
الحمدلله
وصلنا التمتام
خمسة كيلو بس
صاحبتى تتالم
انا مردخ وما عارف
نواصل
فى التمتام
مشينا لى زول المرور
حكينا الحاصل
عادى عندهم
لم يرمش لهم جفن
قال ترجعو مروى
الله
ليه
دى الولاية الشمالية
نحن ما عندنا شغلة بالخرطوم
يا زول دى زوجتى وعايزة علاج
ارجع مروى كيف وهى على ٢٠٠ كيلو وامدرمان ٢٠٠كيلو
قال لى انت داير تورينا شغلنا
قلت ليه لا اوريك لا تورينى انا بأجر سيارة
هنى قام الطيب قال ليهو حنتصل على امير الباشا(, عميد ومسئول من المرور ومن الزومة كمان)
هو نقلوا بس العسكرى ماهو عارف
طوالى اترخى وقال
اوصلكم امبدة بس
جدا
شغلنا السارينا
وعليك يا الله
اسمع انين
اشجع
مرات ادمع
العمة نشافة
دموع ومخاتة
ها
ها
ها
طبعا كلمت
محمد هاشم. وأبوبكر
مصعب حسن خلف الله
الخليفة لا يرد
عرف لاحقا
وصلنا المستشفى النموذجى بامبدة
فى نص الحوش
وانا مردددخ
العسكرى قال لى اركب
ركبت
فن فن فن
مرور امبدة
المناوب قال لى ادخل المكتب
قلت ليهو داير اصلى
جدا يا حاج
صليت
لقيت نفسى محبوس
قلت ليهو العساكر الجابونى وبنن
قال لى مشو
قلت ليهو طيب زوجتى ما الحاصل عليها
نكرت قصة اولادها
انا مردخ
الراجل قال لى ما كان نجى الا تتعالج
بقى متعاطف معاى
قال جيبو المستندات
اولادى جابو
الرخصة
شهادة الملكية
بوليسة التأمين
قال لى امش اتعالج وعالج زوجتك وتعال
ادانى اسمه وتلفونه
رجعت المستشفى
ادونى حقيقتنا صغويرى
والشابة عندها
تكسر فى الاضلاع
وترمة فى الفقرة الأولى
ومشينا البيت
نواصل
العلاج
حاجات المستشفى النموذجى جت ما شغالات
مشو واحدة خاصه
صوروها
قالو ضلعتين مكسورات
خرجنا
وصلنا اركويت
بيت بكاء عديل
اخواتى وانجالهن
ولاد حسن
الحبايب ناس ١٦
الجيران
الخلوق
ناس تبكى
ناس ساكتا
قامن الشابات
إزالة آثار الرملة
كل المستلزمات
سلامى سلامى
جاء د.محمد خليفة ابراهيم
قال عمتى دى ما شديدة
بدأت تتورم
الحادية عشر ليلا ساقوها
مشو رويال كير
ها
ها
عند الثالثة صباحا اتضح أن الاضلاع المكسرة خمسة وليس اتنين
فى جرح عميق كمان
القرار تنويم
في أواخر اربعينات القرن الماضي واوائل الخمسينات
الناس ترابلة اب
الثقافه كلها عشاوى وفجراوى
اللعوب والمريسي
وود العود تلعب فيهو يلعب فيك
شوية خلاوى
منتصف الخمسينات عملو مدرسة الزومة الصغرى
دخلوها الناس كبار بى شنبهاتهم
والكمل كمل والكتار خبيرا دا ما اخدو
والنظرة لى زول المدرسة زي الناقص رجالة
المهم ظهر الشراد والسفر لا فوق عشان الشغل
ما اصلو الآباء لا يسمحون بالسفر ساقية بس
يتفننون فى الزوغة والتوجه لى كريمى وركوب القطر
نواصل
انتهت رحلة الانقلاب
اتصل كثير من الاحباب
طالبين المواصلة فى اى موضوع
انا ما قايل السرد المبسط له احباب ومريدين
لى كتاب فى المطبعة تحت اشراف خالى عبدالمطلب الفحل اسمه تجربتي في الحياة
عدد من الأبواب والفصول
نادى الزومة الخرطوم له جعل كبير فى صفحات الكتاب
نحاول نستعرضها بعد توفيق الله
اجملها
تاسس نادى الزومة ١٩٥٣م
وانا مواليد ١٩٥٣م
انتهت حلقة اليوم
يتلقطو يتلقطو
جو الخرتوم
بيوت العذابة مليااانة
الحلة الجديدة
الديوم الشرقية
القوز والرميلة
بيت الشول
حلةحمد
الوابورات
خوجلى
الشغل وين
اربعة وظائف
جناينى
عسكرى
غفير
وزارة الصحة
ركائز الزومة تتمثل فى
محمد عثمان كليدى
ميرغني صديق الباشا
سيداحمد بابكر
احمد عبدالحفيظ
الخليفة يحى
الخليفة ود طمبل
احمد قلين
على تميم
وآخرين الله يعلمهم
حسب امكانياتك الجماعة ديل يشغلوك
محمد عثمان كليدى بحكم عمله بوزارة الصحة ولعلاقته المتميزة بالمسئولين
يعينك فى معمل استاك
أو وزارة الصحة ذاتا
الصحتو سمحة وصبى جماعة البوليس قاعدين
حكمة الله العمل بالجيش ناس بسيطين
الجناينية ديل ملفهم براهو
فكرو فى حاجة تلمهم
اجتماع
نواصل
جاتنا صاجات
الركائز
الخليفة ود الحسن
حسن المهدى
خضر المهدى
على الهادى
وآخرون الله يعلمهم
اها العاصمة مليانة بى بطان البلد
ماشهوهم
ما خلوهم
طوالى أعضاء فى الحضرة
الناس ما ختمية
والخرتوم كلها
بلاوى
ابوصليب
مشعال
كوريا
ديوم بحرى
الحكايي بالصف
جيران السودان مكبوبين
المريسى اسمها التررة
بالعيش ما بلح
العرقى رخيييييص
هذا الجو المتاح
كوابحه الحضرة والليلية
تقرأ
البراك
المولد
مدائح الختمية
المشاركة فى نشاط الشباب وطقوسه
الأمور ماشة كدى
الحكايي دى ما اشبعت رغبة الشباب
قالو يسوو نادى رياضى ثقافى اجتماعى
رفض من الآباء شديد
بدأت الاستقطابات
نواصل
النادى مشترك مع الدهسيرة
الاسم
نادى أبناء الزومة والدهسيرة بالخرطوم
اللجنة من الجهتين
ابو خلف
وديسن
وددبش
والناس الزومة
محمد الحسن ابراهيم
احمد نصر
احمد عبدالحفيظ
سيداحمد بابكر
وآخرين الله يعلمهم
تم الالتزام بالاتفاقية
يومى الخميس والاثنين مافى نادى
تمشى الحضرة فى بيت الخليفة يحى
اصبح النادى مكانا آمنا لأعضائه
ملاذا القادمين الجدد
استغلال علاقات البعض فى التشغيل
ود خلف من الدهسيرة وبعمل باالبوستة ماشاء الله عليه
الحكايي توسعت
اصبحت خصما على الطرف الثانى
وصار النادى قبلتهم
وبادب شديد تسير الشغلة
تطورت قالو نعمل لينا فريق كورة
وقد كان
سجلو فريق باسم الحرية برابطة القوز أواخر الخمسينات
جنب المركز الصحي القاعد هسع دا
يا والله كمان جونا فى البلد سنة ١٩٦١م
نحن صغار نتذكرهم
من الزومة
عثمان بابكر سعد
عابدين وداعة الباشا
سيداحمد نصر
السر نصر
وآخرين
من غير الزومة
كتوت
السر العسكرى
فنايلهم خضراء
لعابين جنس لعب
غلبونا فى شلك والزومة قبلى
نواصل
القيامى قامت
ولاد ماعندهم ادب
كيف يسوو ليهم نادى
هى حصلت
والله على رقابنا
هذه مقولة الشيوخ
الشباب قالو
منو القال النادى مكان ما كويس
النادى نشاط ثقافى واجتماعي ورياضى
الشباب جو الحلقات
اصلها يوم الاحد والخميس
وماشين فى الفيهو
الجو ما مريح
الناس شايلا من بعض
انعقد مجلس صلح
والمخرجات هى
تاجير موقع النادى
أن لا بغيب الشباب عن الحضرة
الشيوخ يجو النادى
ويشوفو بى عيونن
الشباب بعض منهم
احمد نصر
احمد عبدالحفيظ
سيداحمد بابكر
حسن احمد كليدى
محمد الحسن ابراهيم
عوض احمد عبدالرحمن
محجوب ابراهيم
على تميم
ميرغني عبدالرحمن
يوسف الفحل
وآخرين
الشيوخ
الخليفة يحى
الخليفة ود طمبل
بسن الصديق
الخليفة موسى
الخليفة ود الحسن
حسن محجوب ود ام النصر
عمر وقيع الله
عثمان وقيع الله
حسن الخليفة
ميرغني عبدالحى
وآخرين الله يعلمهم
تم التأجير لفة ود الحسين بالحلة الجديدة
العام ١٩٥٣
التركيب
تم التخطيط
هنا غرفة الوابور
هنى البيارة
هنوك الطلمبة
بى جاى الفازقيي
اها الفازقيي دى شنو سؤال
مادايرين نسأل
لكن التطفل كاتلنا بلغة الشمارات اليوم
تم تحديد العمل
الثلاث مواقع مع بعض
الطلمبة اخر حاجة
طيب الاكل
وجبتين فى اليوم
التاسعة صباح الفطور
الرابعة عصرا الغداء
اتقسمت الزومة
كردقل الفطور
الحلى الغداء
تانى يوم
الجبل فطور
من ودالريف لى الننقاب غداء
اليوم التالت
من الخليفاب لى ااموضاب فطور
شلك غداء
وهكذا تنتهى الايام
وتبدأ من جديد
المثير
فى ناس مفرغين للمتابعة
الدخول فى البيوت وحث النسوان للانتهاء
يافلانة يا علانة
الحريم فاتوكى
يبدأ الموكب
تنطلق الزغاريد
والصغيرين حول أمهاتهم
قبل الوصول إلى الموقع
مع شجر التمر
والواطا صيف
يرتفع صوت النساء
والصدى يعمل عمايل
والجماعة هناك ينفعلو
ويلتحم جيش الزومة الانثوى
مع رجال الزومة الأشداء
نزل نزل
فك الفوطة
جيب البصل
ارح ارح
دقائق تسمح الحمد لله
كب الشاى
ااجنا مافى جبنة
فى بالحيل
المشرفين واقفين
بالله يا نسوان
شيلن عدتكن
ياجماعة قومو نواصل
واحدين
عليك الله خلى السفة دى
تدخل فى راسنا دا
تتكرر الحكايي عند الغداء
وعند الخامسه
واحدين يطلعو
واحدين بمشو يجيبو قش الغنم
باذنه نواصل
البيارة
اعتقد عشرين متر فى عشرة
توضع فيها الطلمبات
وعبرها السحب
والى الفاذقيي
ثم الجدول الرئيسى
وشرق وغرب
حفرو
حفرو
حفرو
وصلو متر ونصف
عاملين ليهم درجات سميحات كدى
اها بعد دا
يوقفو الناس صف
كل زول شايل قفة كودنشبر
تبدأ الحكايي
دا يحفر
الجنبو طوالى يختها ف. قفة الكودنشبر
وتمدها للجنبك والجنبك الجنبو وهكذا زى ستين زول
تتكبا التراب هنااااك وبى فهم
طبعا الكلام بى اناشيد
واحدين بى شغل المراغنة وآخرين غنا عديل
البيارة دى اخدت شهر كامل وبنو الخنزيرة والجونتى زى السابتنك
بس امتن
المهندس رزق نسأل الله أن يطول عمره انتهى من تركيب الوابور
وانتهى من الفاذقيي
جاء العوام نمر أحد رجالات العظماء رحمه الله من مدنى
وهو مسئول مشروع الجزيرة
شايل شىء زى الكاميرات والله نضارة فوق عصايى
ويقيف وبعاين بالشىء دى
يقبل كدى وتانى يقبل كدى ونحن متمحنبن
ونعاين
يقوم يوجه
الجدول دا سوو كدى وكدى
قالو دا الرفع المساحى
عشان الانحدار وانسياب الموية
اكتمل العمل
الدعوات
المدير الإدارى ريفى مروى
القاضي المقيم مروى
رئيس بوليس مروى
مدير المستشفى
نظار الفرع
محمد ود سورج
ودبشير اغا
عبدالله ادريس
كنيش
العمد والشيوخ
حسن طه سورج
عبدالرحيم عبدوكاشف
وآخرين الله يعلمهم
تحدد الافتتاح الجمعة ٥/٧/١٩٦٣م
التاسعة صباحا
العربات
الجمال
الحمير
الخلوق
السيوف خارج الجفايل
البنادق اتعبت بالرصاص
يالله يا رزق
يالله يارزق
دل
دل
موية فى أربعة عشر بوصة
قشطت الفاذق
انضرب الرصاص
انشتت الرصاص
زغردن الحبايب
بكى الرجال
مبروك مبروك
اكرام الضيوف
الفطور شغال
الوابور شغال
قرار قوى
تزويج المهندس رزق بإحدى بنات الزومة
وانجب
امير ومرتضى واخوانهما
اقل من سنتين جابو وبوى ثانى
باذنه نربط هذا الموضوع بحريق هذه الوابورات
عام ١٩٧٧
ومافعله نادى الزومة العظيم
احترقت وأبورات الزومة
رقدت هبوود
خرد ما نافعة
الحال وقف
الزراعة خددرة
بقت تصوفر
بقت صفراء
بقت تكشكش
قلوب الاهل احترقت
قام الرجال
كل رجل أمة
احدى عشر رجل
هم
بابكر حسن المهدى رئيسا
يسن عبدالمجيد ترو
ابراهيم فضل المولى غباشى
عثمان الحسين الامين
يسن محمد أحمد خيرى
عوض محمد صديق البركل
طمبل يوسف
محمد محمد عثمان
محمد عثمان ود الزومة
يوسف محمود العونى
جادين سعد عمر
جو طوالى نادى الزومة العظيم
حكو الحكايي وهى معروفة
تمت اضافه إحدى عشر شخصاً آخرين من نادى الزومة
ورئيس النادى المرحوم احمد عبدالحفيظ
والسكرتير شخصى الضعيف
وبحكم المواقع بقينا جزء من الوفد. إضافة إلى
عوض خوجلي
على تميم
مبارك الكيك
وآخرين الله يعلمهم
قالو يمشو لوزير التعاون
ساعتها الوزير د.محمد هاشم عوض
الوزارة فى السوق الافرنجى
تفتح فى شارع البرلمان
المحل ضيق
قشطنا محل السكرتاريه ولا نفس
المدير التنفيذي قال خمسة يدخلو على الوزير
الجماعة قالو ابدا
ندخل كلنا
عمنا عثمان الحسين بلغته المصرية
زجرنا
دخل هو وحاج بابكر
ويسن ودترو وأحمد عبدالحفيظ
وانضم الشاعر اسماعيل حسن والذى وصل خلسة
لكن شكلو عاااارف وفوق رأى
السبعة عشر واحدين واقفين وناس قاعدة
والسكرتيرة متمحنى
الاصوات جوة مكتب الوزير عالية
تهدأ
ترتفع
جو مارقين
اها
خير
الوزير ادانا تبرع ثلاثةالف جنيه وسلفية ثلاثة الف جنيه
نحن نرجع السلفية من وين
الوزير قال لهم هو فى حكومة فعد تفتش ترجع ليها دين
دا إجراء شكلى
ودا سبب رفع الاصوات داخل مكتب الوزير
مرقنا
اسماعيل حسن قال تعالو
مشينا محلات اتنيه
محل سندوتشات راقى
طلب سمك زى الزلابية
وكل زول كباية عصير كبيرى
واحدين متهم مقتنعين بالفطرة دى
إسماعيل
قال الساعة اتنين تعالو لى فى الاتحاد الاشتراكي
الله
انا على المستوى الشخصي اتضايقت
نويسينى كان شافونى اقول شنو
يا زول
زومة زوما
مشينا الاتحاد الاشتراكي
لقينا
ابو السباع
لما لينا سبعة الف جنيه
أمانة العاملين
أمانة تطوير الريف
وهكذا
كامل محجوب
محمد احمد جحا
بقى المبلغ 13 الف
الصباح قبل السوق يفتح نحن قدام بيطار
حاج وداعة صادف فى الخرطوم
اشترينا وابور جديد بمبلغ عشرة الف وخمسمائة جنيه
حاج وداعة
والمهندس رزق
فللى البلد
ونحن دخلنا المرحلة الثانية
باذنه نواصل
السيد محمد عثمان الميرغني
الأستاذ عثمان سلمان محمد نور
رجل له تأثير شديد على شخصى الضعيف
درسنى فى التجارة الثانوية
سحبنى من البنك العقاري واشتغلت معه كاتب حسابات فى شركة إعادة التأمين الوطنية
خرجنا السعوديه سوا
بعد ربع قرن استغلت معه فى الجهاز الاستثمارى للضمان الاجتماعي
هو الرجل الأول
وانا الثانى
لما ترك العمل لظروفه الخاصة
شاتونى
التفصيل لاحقا
عثمان دا
ساكن السجانة
عنده بيت سميح كدى
مطرطش وسايفون
عايز ينزل إجازة
ماشى شندى
35يوم
الحكايي دى صادفت وجود الوفد
عرضت عليهم السكن معاى
البيت قريب من النادى
قريب من الخرطوم
وافقو بشرط
مالى دخل بى الاكل
بعد حوار
اتفقنا عليا شاى الصباح بس
واحدين يمشو معاى واحدين يمشو لى الاهل وتانى يوم يرجع
اها
بقينا يوميا فى النادى
وإسماعيل حسن يسوى فى الشعر
كلنا مبسوطين
الكونكان وقف
شعر بس
ونحن نضحك
نقرقر
يوم نص النهار اتصلو عليا
تجى تصلى العصر ف. الجامع الكبير
مشيت
لقيتون بى سلامتون
الشالات الصفراء المصرية
والعمم
والجلاليب بيضاء شديد
قعدت
قبل المغرب قالو ماشين الاتحاد الاشتراكي
محل وزارة الخارجية الهسع دا
دخلنا
استقبلنا اسماعيل حسن
صلينا المغرب
جاء الخليفة يحى
الخليفة ود طمبل
الخليفة الفقير
لابسين رسمى
بشتة بنفسجية
جابو تلاتة عربات بولمان
ركبنا
كل سبعة فى بولمون
اتحركنا
وين يا عالم
العم عوض البركل برراحة كدى قال لى
الدائره
بو
بحرى
انقطعنا جوة
لقينا ناس تصلى فى العشاء
صلينا معاهم
دخلنا فى صالون كبير كدى
قالو الختم فى عقد فى الشعبية
قاعدين وقاعدين وقاعدين
بعد ساعة
القيامى قامت
شنو
الختم جاء
دابو جابو لينا عصير كركدى
شربنا
جانا خليفة كبير
قال
ماتتحدثو عن الانتخابات
نحن عندنا موقف
نادونا
غرفة فى غرفة
زى عربات القطر
الغرفة الأخيرة
كبيرى
فيها باب بالجنب
الناس الصلينا معاهم
برضو دخلو
جماعتى انهردو تب
شىء لله يا حسن
وآخريات
جاء الختم داخل بالجنب
وقف خلف الكرسى
العالم تانى بدات فى الانشاد
قعد فى الكرسى
قعدنا أرضا
تحدث رئيس الوفد الخال بابكر
حصل لينا حريق
وفقدنا وفقدنا وجئنا هسع على الله وعليكم
انا قلت الليلة بابور عديل من الختم
فت وقف
قال الفاتحة
شلنا الفاتحة
ختا يد قدامو
والعالم تنشد وتسلم على الليد
ماعدى انا منكر بكسر الميم والكاف
فو مرق
مرقنا
ركبنا البولمنات
الناس مبسوطة
واحد يقول السلالة النبويه
والتانى يقول الختم عارن لى جوو عيونى
التالت يقول نور على نور
مانمنا
يضروهو لينا
يلوكو فى الحكايي دى طول الليل
لا الفجر
نواصل باذنه
عيد الاستقلال
النميرى رحمه الله فى اوالسنوات الأخيرة بقى يحتفل بعيد الاستقلال فى المدن
1/1/1978م
الاحتفال فى دنقلا
سافر اسماعيل حسن ال بحكم وضعه السياسى عضو بمجلس الشعب وأمين أمانة بالاتحاد الاشتراكي
هناك شافو نميرى
قال ليهو تعال يا اسماعيل
شوف المصالحة الوطنية دى جابت حزب الأمة وجماعة الإخوان المسلمين ونازلين انتخابات
اخاف يكتسحوها ويفقد تحالف قوى الشعب العاملة هذه المقاعد وتضعف موقف ثورة مايو الظافرة
اسماعيل قال ايواااااا
ياريس انا اصلا قعد أترشح فى الدالى والمزموم
والمرة دى عند اهلى فى دائرة كريمة
ومخ وقلب الدائرة دى فى الزومة
يعنى لوكسبت الزومة انا فائز فائز
اها اسويلك شنو
تديهم وابور بدل الاتحرق
طوالى
شنو
برقية الى القصر
تصدق بوابور للزومة
صورة من البرقية لنادى الزومة
هل تصدقون أن الخال بابكر ووفده
دخلو القصر
وناس القصر ما قرو برقيتهم
وإسماعيل فى دنقلا
أربعة وعشرون ساعة
الوابور موهط فى عربية حاج وداعة
وصل اسماعيل
اتعملت دعوة عامة الناس الزومة بالنادى
الزومة تعلن أن اسماعيل حسن مرشحها فى الانتخابات
بدأت الإجراءات
سافر الوفد
جهزو المنزلة لاسماعيل فى بيوت نمر
تحركت الوفود شرق وغرب للتأييد
ملحمة لها فصل
شعر وغناء
مديح ودوبيت
فؤاد السعيد جاب الفين صوت
اسماعيل ثمانية عشر ألف صوت
يا سلااام
باذنه غدا نبدا فصل من ملفات نادى الزومة العظيم
غرق المركب والنادى العظيم
ناسف للذين تابعو هذا الموضوع على موقع الزومة منارة. الفقراء بالشبكة العنكبوتية
ولكن
عدد كبير اعتقد محتاجين لهذه المعلومات
ممتاز جدا لو فى مداخلات عشان لجنة التوثيق تأخذ بها
هذه المعلومات تنشر الان على عدد من القروبات
1دفعة الاراك الوسطى
2نادى الزومة العظيم
3منظمة قبس الخيرية
4توثيق الزومة
5الاسرة
الاثنين 23/1/1966
يوم عجيب
ثالث ايام عيد الفطر
البرد القارس يلف الشمالية
والدتى رحمها الله فاطمة عبدالرحمن خوجلى
قالت قوم نملأ الازيار
جابت قروانتين
املأ واحدة تشيلا تدخل
ترجع تلقانى مليت التانيه
وهكذا زى عشرة مرات
جات زينب حسن
يا بت بلالية بننة ماتت
بت بلالية دى لقب الوالدة
بننة دى اخت حسن حماد ودبابا من مقاشى ولها رحم مع جدى عبدالرحمن خوجلى وتسكن الكرى بالغرب
توقف كل شىء
لا موية
لا ازيار
ثوانى معدودة
الوالدة أكملت لبس التوب ف. الشارع
انا شايل اختى الرضيعة سمية ومباريها لا عند حوش محمد الحسن تكرورى
اتلمن حريم الشارع وفاتن
الوالد وعدد من الرجالة فاتو بدرى
سقت حمارتى وماشى الجزيرى اجيب قش الغنم
وصلت القيف
لاقانى الزبير سواق البابور
معاهو
مرتو
بنتو
وولده
مصوبين جهة مقاشى
براى ركبت المركب
قدف قدف مرقت فى الجزيرى
حشيت قشى
تبيقة كاربى
رب فى المركب
قدف قدف
وصلت الشرق
رفعتها فوق حمارتى
من ساقة بخيت
على سواقى
النيداب
الكراكرة
عتمان
ولافوق
وكت مرقت من مترة الخليفة
اشوف الناس جارية على شلك
ولا قلت دا شنو
مشيت البيت
غديت البهائم
اختى امونة رحمها الله جابت لى فطور قراصة فطير بى ملاح خودرة
ابت تتقطع لى القراصاية
الشارع فار
يا امونة
يا امونة
المركب غرقت وفيها فاطنى اختك
لحظات عصيبة
جرينا
وصلنا البحر
هادىء
كانو ماحصل حاجة
باذنه نواصل
ونحن جارين
لا لاقانا جدول
لا تقنت
قرربت للبحر
لاقانى
ودابربروبا
محمد على ودامنى
ابو الصديق وجد حسين حسين محمد على
هذا الشهيد عزير جملة اعتراضية (
اصلا قالو وقع واتكسر شديد
ودوهو لى سعدالله ناس مهدى عشان يجبرو
استخصر الجبيرى
الزول منتهى
بعد سنين عددا
لاقاهو
قال ليهو والله لو عارفك بتعيش كان جبرتك سمح)
تانى لاقانى عمى جعفر
هدومو تشرشر
ماقدر يتكلم معاى
وصلت البحر
الناس كيمان كيمان
وقفت جنب مجموعة
المرحوم عبدالرحمن ود سعيد يحسب
الغرغانين هم
بت رحمة
علوية مرت يوسف
مرت خلف الله
بت خلف الله
و
و
و
زحيت بعيد
شفت ابوى ف. المركب الراجعا من الغرب معاهو آخرين
نزلو
شالو الفاتحة
ادانى نظرة
جدى محمد احمد خوجلى
جهز حماره للوالد
قالو الجنائز طلعت فى ح
حزيمة
أربعة
الوالدة
الستية زوجة النعمان ود الحريم
خضرة بت الحسين زوجة محمد الحسن تكرورى
سمية اختى
قبل الغرق الوالدة أدت بنتها لخضرة وعايز تصلح التوب
غرقت المركب
ظلت خضرة ماسكا البنية إلا أن طلعو جنائز
الوالدة مسكت فى التور الكان فى المركب
ناس حزيمة جدعو براميل
الوالدة فكت التور
مسكت البرميل
اندور
فكت
غرقت
الوالد ركب حمار جدى
نحن خلفه
تنهيدات صعبة من جدى
ناس مقاشى قابلونا وقالو
الجثامين مشت البيوت
اصطفت اللوارى فى درب الجمل
لهذا الغرض
وصلنا البيت
جبنا جثمان البنية من ناس ودتكرورى
مقابر الكراكرةجاهزة
انتهت مراسيم الدفن
رجعنا إلى البحر
المقر الدائم ذاك اليوم
نواصل باذنه
عائشه محمد عثمان القاضى
القنديل حاج الشيخ
صالح عثمان حردوب
محمد احمد الرشيد القاضي
زوجة الزبير سواق الوابور وابنتها
وآخرين الله يعلمهم
الناجين
الياس الخليفة
جعفر محجوب
سيداحمد موسى التبورى
يوسف رحمة ووالدته
كروع
محمد على ود ابربروبا
وآخرين الله يعلمهم
من اسباب الغرق للرجالة
خافو من الحريم بتشعبطنهم
واحدين اتجهو ناحية الغرب والغرق اقرب للشرق
القدر
بدأت الجثامين تطلع
والناس تدفن
والمركب لم تظهر حتى الآن
فيها عدد من الناس ومن ضمنهم فاطمه اختى
بجبوح فى الاراك محطة ريئسية للجثث
النادى العظيم
من اول يوم على نيدة ارسل التلغراف
اجتمعوا
قرروا
العزاء مكان واحد
فى النادى
السفر للبلد
فصل جديد نواصله باذن الله
ركاب المركب
٨٦ من رجل لامرأة لطفل
حمار على حماد
نور جخص
اتلمو وركبوا
خادم الله بت شمعون
والدة اولاد الهادى الحسين ختت كراعا فى المركب ومرقت منها خوف بس
امنة بت رحمة جات لى اهلها ومشو سوا
مريم بت الازيرق زوجة على فضل المولى حامد عندها ماشاء الله ثلاثة بنات وولد
الولد اسمه هاشم
اكبر من سامية
امو ساقتو معاها بدل سامية
ليه
خايفا عليهو يقع فى بئر جامع الننقاب
يعنى سامية دى قاعدة سلفقة ساكت
إرادة الله
من شارعنا
الوالدة وبنتها
خضرة بت الحسين
زينب حسن
فاطمة خلف الله
الروة حامد
علوية زوجة يوسف رحمة
الستية زوجة النعمان ود الحريم
صديق حامد
محمد ودالحاج ود الحريم
بت ودتكرورى السكارنة
حسن وقيع الله عمر
من مقاشى
خلف الله شبو
نفيسة سبو
محمد حسن حماد
فاطمة الحسن بربر
ابراهيم عبدالرحمن
الفراش بالنادى بدأ عصر الاثنين نفسه
قدام النادى
صيوان كبير
على أثره امتلك النادى صيوان متكامل من أموال أعضاءه
اتلمت الخلوق
ناس الزومة ومقاشى
مركز ريفى مروى بالعاصمة
الحكومة كاملة
من الأزهرى
حسن عوض الله
ابراهيم المفتى
شنان
الشيخ عبدالرحمن رئيس الوزراء
سيداحمد عبدالهادي
وآخرين الله يعلمهم
الأغلبية من الأهل حصلو قطر الاربعاء
والاخرين قطر الجمعة
الوسيلة الوحيدة ذاك الزمن
شخصيا اهلى وصلو الخميس
الساعة ستة كانو معنا
لحظات صعب وصفها
الخال عوض خوجلى
الخال على خوجلى
الخالةستنور
الاخت علوية
ابناء العمومة
اهلى الخيراب بلا فرز
الجمعة إلى البحر
آخرين إلى بجبوج
وواحدين وصلوا الدبة
كلوجثمان يخرج ويصلى عليه ويدفن طبعا اصلو مستحمى طبيعى
خمسة عشر يوما
قرروا
سفر الناس لأعمالهم بالعاصمة والمدن الأخرى
رفع الفراشات
مراقبة البحر بالتعاون من القرى الجنوبية
مركب الجن دى لا يوم الليلى لم تخرج
بها أكثر من عشرة شهداء
منهم فاطمة اختى
الحكومة شرفت وشاركت
بوفود معتبرة
على رأسهم. رئيس الوزراء
وعدد من الوزراء
بعدها جات إفادة طلعت تعويضات لأسر الشهداء
٣٠٠ جنيه للذكر و١٥٠ جنيه للأنثى
اجتمعوا ناس البلد زومة ومقاشى
وقرروا
يتعمل وقف للشهداء بهذه الأموال
والقرار
١ عمل مدرسة ابتدائية بمقاشى
٢ عمل مدرسة وسطى بالزومة
٣ عمل بنطون بين مقاشى والقرير
عام ١٩٦٧
تم التنفيذ
الرجال الذين فقدوا حبايبهم تزوجوا
ووالدى ويسن محمد احمد اتزوجو بعد اسبوع واحدم
اثار الإنتخابات
بعد أن انتهت الانتخابات وفاز إسماعيل
اصبح ناشطا فى نادى الزومة
ولن معجبين واشعارهه ويباروهوو محل ماعندة جلسة شعرية
أن جاء داخل النادى يي العجب
سنتين بس ابعاج جعفر نميرى حل مجلس الشعب وعمل انتخابات جديدة
اسماعيل أترشح
ترشح ايضا د.تاج السر محمد خير
واسمه التانى السر ختيمى
وكمان السر الكرو
ويقال السر الزومة
تربي فى بيت عماته
بيت رحمة
بيت حاج موسى
درس وحفظ القرآن عند شيخ احمد على حامد
كيف الكلام دا
اسماعيل والله السر
انقسمت البلد
بين الطرفين
لم تسلم النفوس
المناوشات اللفظية
الكل يكبر كومو
قبل الانتخابات ساءت العلاقات جدا
اجريت الانتخابات
فاز إسماعيل وبفارق كبير
مازالت المطاعنات مستمرة
يمكن فى خصام كمان
تحرك الاسد نادى الزومة العظيم
كون وفد برئاسة سيداحمد بابكر
عضوية احمد عبدالحفيظ
احمد نصر
على تميم
محمد الحسن نمر(لم يتمكن من السفر)
عبدالمطلب الفحل
خالد المهدى (رئيس النادى)
وآخرين الله يعلمهم
ثلاثة أيام قضى الامر
وانتهت الشغلة
تانى نميرى حل البرلمان
وقرر انتخابات جديدة
الزومة قالت كلمة واحدة
نحن برة
اسماعيل أترشح وفشل
وفاز واحد اسمه طه من لاجوة كدى
جات انتخابات تشريعية
المجلس التشريعي بالولاية الشمالية
وتنافس عدد من المرشحين
وبالاسف من الزومة ترشح قائدان
رجلان لهما المكانة والمنزلة فى المجتمع
هم
الأستاذ عوض محمد احمد محجوب درويش
والحاج بابكر حسن المهدى خشم الموس
لا املك معلومات متكاملة حيث اغتربت بالسعودية
الباب مفتوح لسد هذه الجزئية من المعلومات
النادى العظيم
بدأت علاقتى معه بصورة قوية ١٩٦٧م
بعد الغرق ووفاة الوالدة رحمها الله
جدى عبدالرحمن خوجلى
ساقنى فى إجازة المدرسة
منزلتنا بالديوم الشرقية
منزل الخالة ستنور رحمها الله
والخال عوض عنده اتنين دكان واحد فى سوق الديم والتانى شرق الديم بالشراكة مع المرحوم على عثمان الحاج رحمة
والسكن بالامتداد
الخال على خوجلى بالشجرة
يعنى انا وجدى حايمين بين الحيشان التلاتة
الخال عوض مرتبط بالنادى شديد
انا فى ضنبو
النادى متروس لا العتبة
زومة ودهسيرة
الفريق فى الدرجة الرابعة
الاعضاء ساكنين فى الحلة الجديدة والديم
قليل بالامتداد
البيوت مساحتها ميتين متر واقل ويسكنوها اسرتين وكمان تلاتة
عشان كدى الرجالة يجو النادى بدرى يوسعو على الحريم
فريق الكورة
برازيل عديل كدى
الحراس
عثمان خضر
عوض ملصا
الدفاع
عبدالجليل
ادم سلامة
ود الزين
عبدالمنعم سلامة
احمد الريح
الوسط
كمال على خليفة
بدرالدين
قدام
ابراهيم الزومة
كنة
محمد صديق
عبدالحميد
ويوجد غير أساسي
بدوى عثمان
على الطيب
محمد نصر
وآخرين الله يعلمهم
يوم الزومة تلعب بالليق
الزومة عن بكرة أبيها تجى
اها انا اجى سنويا
١٩٦٨
١٩٦٩
١٩٧٠
١٩٧١ استقريت نهائيا بالخرطوم
١٩٦٩
استلم السلطة النميرى
حل الأندية القبلية من ضمنها نادى الزومة
نواصل باذنه
من اول قراراته هو ضد العنصرية والطائفية والقبلية والجهوية
والله يبقالى الجهوية دى انقاذية
قرار فى قرار
لامن وصل القبلية
وذلك بحل الأندية القبلية ومن ضمنها نادى الزومة العظيم
جماعتنا طوالى استغلو اسم فريق الكورة فى اتحاد الكرة
قدمو مستندات دا فريق رياضي ومسجل
ها
ها
ها
تم الاستثناء
ناس الدهسيرة خارج الاسم
بدأت النقنقة
تطورت
الى كلام علنى
ثم المحاكم
طالعين نازلين
ابوخلف شايلا تقيلى
وقالو معرس جنية
المهم الجهات الرسمية حولت الامر إلى الجمعية العمومية لاختيار اسم
يوم الجمعية الاعمى شايل المكسر
المسئولين على المنصة
الصمت رهيب
انا حاضر
ينده واحد واحد
نعم يمشى يرمى ورقته فى الصندوق
من المغرب لا بعد العشاء
المرحوم على الكيك شوف عينى صوت أربعة مرات
فلان يندهوهو مافى طوالى يتناول غبانة من اى زول ويقول نعم
النتيجة ٤٩٩ الزومة
٦٢ لغير الزومة
لملمو ورقمهم. ومشو
وانتهت الحكايي رسميا
ولكن الأهل بالدهسيرة ما زالوا يعتبروننا اكلناهم وظلمناهم
نواصل باذنه
النميرى
رحمه الله
قائد الاشتراكية والتقدمية
بمعاونة الأحزاب اليسارية
استلم السلطة فى م
٢٥/٥/١٩٦٩
من اول قرارا
رجالات الزومة
نحاول نقسم الى إلى ثلاثة مجموعات
من البداية حتى السبعين
اوائل السبعينات الى نهاية القرن
من ٢٠٠٠م إلى اليوم
سنذكر باذنه الاسماء على سبيل المثال وليس الحصر
قطعا بعض الأسماء ستسقط
ارجو منكم المعالجة سريع بمداخلاتكم
كما زكرنا سابقا
ونبدا ونقول
سيداحمد بابكر
احمد عبدالحفيظ
احمد نصر
يوسف الفحل
محمد عثمان الحاج رحمة
السر حسين الرفاعى
محمد احمد عثمان وقيع الله
على الفضل
احمد ابن ادريس
خضر المهدى
عوض احمد عبدالرحمن
محمد الحسن نمر
عثمان احمد البشير
محمد الحسن ابراهيم
الخليفة يحى الصديق
صديق يحى الصديق
عوض عثمان غباشى
السر نصر
محمد احمد نصر
مبارك. احمد الكيك
سرالختم عبدالرحمن
عثمان على خليفة
حسن احمد كليدى
عثمان محمد سعد
عثمان فضل المولى
محمد على كرسنى
عبدالعزيز محمد الحسن تكرورى
محمد الحسن فتح الرحمن
فؤاد نمر
الي. وداعة الباشا
عبدالمنعم أحمد الباشا
اسحاق احمد الباشا
البركالى
ميرغنى صديق الباشا
جماع ميرغنى
صديق البدوى الصبى
خضر البدوى
وراق حمد
عبدالقادر فتح الرحمن
هاشم محمد احمد درويش
محمد عبدالرحيم عواد
السر ابراهيم عواد
الرشيد حسن المهدى
محمد عمر على
خضر على
خالد محمد خالد
حسن على خليفة
محى الدين الننقة
احمد حمد صالح ودالعطا
احمد الهادى الحسين
النوم خوجلى
عبدالباقى عثمان الزاكى
محمد صالح على طه
ابراهيم جعفر محجوب
احمد عثمان احمد
محمد نور محمد احمد
اسماعيل موسى
محمد موسى احمد
عثمان موسى احمد
محمد محجوب الحسن سكران
عطا على امبلة
خلف الله على الحسين
احمد علي الحسين
التوم ابعاشة
عوض الامين
خلف الله نصر
ابايزيد الحسين
محمد محمد احمد عبدالرسول
اسماعيل احمد خودر
عيسى عبدالحفيظ
يوسف العالم
احمد سهل
على درار
عثمان الزبير احمد
محجوب ابراهيم
محجوب مشاوى
على خوجلى
عوض خوجلى
عثمان العونى
عطاالله نوح
محمد جيب الله
عطاالمنان جيب الله
العوام نمر
بكرى ميرغنى
الرشيد على حليب
عبدالله محمد توم
صلاح محجوب ظريفة
محمود العونى
بابكر محمد احمد بادى
خضر جدعة
حسين جدعة
عثمان حسن الشيخ
عبدالصافى مرحوم
التوم خوجلى
السر عبدالرحمن
على ابنعوف
عوض الخضر التهامى
الفكى على الحاج
محجوب رحمة
على تميم
وآخرين الله يعلمهم
نواصل
الفكرة تحولت من خواطر وزكريات إلى توثيق وبالتالى صدور كتاب
عليه نبحث عن المعلومة الدقيقة لتاخذها اللجنة وتضعها فى مسارها
الأسماء التي كتبت امس القصد منها التوثيق لمن خدمو النادى فى عضوية لجان مجالس الإدارات
وراكبين عجلاتهم وكدارى يجمعون الاشتراكات ويتابعون الفريق كرة قدم وفريق الهوكي
ليس قادم الخرطوم مطلوب رصده والا أصبح تعدادا وليس توثيقا كما قال لى عمر عثمان بن ادريس
الفريق ترقى إلى مصاف أندية الدرجة الثالثة عام ١٩٧٠ ويعتبر انجاز كبير لفريق تسجل بالدرجة الرابعة قبل أربعة سنوات
فى هذه الفترة الشباب القادمين من البلد البحث عن العمل ماعندهم سكة غير نادى الزومة
يا سينما يا انداية
القيم تمنعهم
الكاش سكو
اعضاء النادي يشبعون رغبتهم بل تحت النظر
فى حبة تفلت
قوانين ولوائح النادى بالمرصاد
نذكر بعض الأسماء مع الاعتذار لهم الحيين والميتين
على الكيك
الطيب ودامبلة
عبدالحليم على خليفة
محمد فتح الرحمن درداب
محمد نصر
حسن خلف الله
الواحد يعمل غلط
الاحمدين قاعدين
خطاب بعدم دخول النادى اسبوعين اوشهر
طوالى الشلة تعمل نفس الغلط بى ضبانتو
ويستلمو خطابات الايقاف
ويقعدو قدام النادى جنب عراضات الميدان
الناس يمرقو يمشو معاهم البيوت
السكرتير سرالختم
على الكيك رحمه الله
معذبو عذاب
يتصل على تلفون النادى
اعتقد ٤٢٨٤٣
عايز السكرتير
يجى سرالختم
الو
معاك علاء الدين احمد
شكلة
يقفل الخط
السبعينات
فترة حافلة بالاحداث
اغلب الناس وصلو العاصمة فى هذه الفترة
الجامعات تستوعب
معاهد التربية بالدويم
لها منتسبين من الزومة يمرون عبر الخرطوم
اسباب متعددة جعلت العاصمة جاذبة لاهل الزومة والاقاليم
النادى ماشاءالله
قيادات شابة تحت نظر وامرة كبار الزومة
لقطات مهمة
الاشتراكات عشرة قروش
ويتوزع المناديب شهريا لجمعها
الحلة
الديوم
الامتداد
السجانة
الشعبية والمزاد
أما الصحافة واركويت
والحاج يوسف
كانت جديدة وناس الزومة بسيطين ولكن لما يقابلو واحد منهم
بدفع يعنى يدفع
يوم الاجتماع يتم التوريد والتقرير
الامتداد طوالى تجيب مائة وعشرون قرشا
كم سنة كدى والمندوب السر عبدالرحمن طه
اها فى سنة كدى اعتذر عن دخول مجلس الإدارة
وجاء واحد اخر
الاشتراكات بقت سبعين قرش بالكتير ثمانين قرشا
السبب اتضح أن السر عبدالرحمن طه يدفع المبلغ من جيبو وكان الله يحب المحسنين
امر آخر لابد من ذكره
ظروف ضاغطة ومافى قروش
ولكن الأمر جلل مالوش حل
عمنا احمد عبدالحفيظ باع غنماية اللبن فى بيتو رغم توسلات المرحومة رقية طه
انهم هكذا
نواصل باذنه
السبيعنات
الفريق أصبح من فرق الدرجة التالتة
عثمان محمد سعد توشح بسكرتارية النادى
تحت رئاسة احمد عبدالحفيظ
عثمان يلبس البناطلين ومرات معاها كرفتة
ليه
شغال شغلة تانية ف. فندق اكسيليور بالمساء
نشهد له بالتميز
وهو أول من رشحنى عام ١٩٧٣ لدخول مجلس إدارة النادى وانا طالب فى ثالثة ثانوى
هذا شرف اعتز به لطالب عضو مجلع إدارة
وين
نادى الزومة العظيم
يا الللله
تراس مجلس إدارة النادى العم حسن احمد كليدى
راجل نضييييف شديد فى ملبسه وفى مسكنه
أن جربت الكرسى وخرش الواطة
تجد نظرة حادة دون كلام
السكرتير محمد الحسن فتح الرحمن
عملو ون. تو
استلم الزعيم احمد عبد الحفيظ مرة اخرى وسكرتارية مبارك الكيك
والنادى يؤدى رسالته على أكمل وجه
وبالتنسيق مع قيادة البلد
واصل المجلس وانضم مرة أخرى سرالختم عبدالرحمن
جات توتوكورة
نواصل باذنه
توتو كورة
مصيبة حلت بالبلاد
مراهنات على نتائج المباريات
يتم اختيار احدى عشر مباراة على مستوى السودان تلعب يومى الخميس والجمعة من كل اسبوع
الجمهور يشترى تزاكر ويكتب توقعاته وتكهناته للنتائج المتوقعة ويسلم هذا الكبون قبل انطلاقة للمباريات
تم تجهيز البلد لهذا المنشط أكشاك ومكاتب ولوحات ضوئية فى كل الشوارع ولوحات تعريفية
الجوائز
الاولى 11من11
الثانية 10من11
الثالثة 9من11
الاولى صعبة نوعا ما
التانيه الناس بجيبوها
الثالثة اغلب الناس بصلوها ولكن بتكون المبالغ ميتة
الزومة طوالى الجماعة ديل مدخلنها ولا تخذل المراهنين
اسمو يروسو الزومة
وهى ما شاء الله ماها خاذلاهم
ظهرو جوكية التوت
الزومة لاعبا ضد فريق الاخلاص الامدرمانى
السودان روس الزومة
الجوكية دخلو
اشترو اربعة لاعبين
الحارس
الثيردباك
لاعب نص
مهاجم
النتيجة 7صفر لصالح الاخلاص
فضيحة ضمة
رئيس النادي احمد عبدالحفيظ
النائب احمد سهل
السكرتير سر الختم
امين المال مبارك الكيك
استقالات جماعية لهؤلاء الضباط. وفيها حليفة كمان
احمد نصر مشى دفع لمساكين حول الجامع الكبير عشان ناس الحليفة
برضو رافضين
اصلا سرالختم مبتعث خارج البلاد
اهااااا
انا العب فى الكونكان
زميلى محمد محجوب ودظريفة
جاء احمد سهل
ياهاشم
ممكن تشتغل سكرتير
جدا
ومحمد دا نائبى عندك مانع
ابدا
نجوى بكرة اجتماع
امين الخزينة محمد احمد نصر
الكلام ده اول عام 1976م
فى نهاية عام 1975م السعوديه زعلانة من قصة توتو كورة دى
جاء الملك خالد بن عبدالعزيز ملك المملكه العربيه السعوديه زيارة رسمية ومن ضمن أهدافه الغاء المراهنات
استقبل استقبالا حافلا
وبالمناسبة آخر زيارة لملك سعودى للسودان
يا والله فى ساحة المطار عن الاستقبال نط الوزيرة فاطمة عبد المحمود وزيرة الرعاية الاجتماعية
ما صافحا
سفرتو بى هنى
الرئيس نميرى ألغى توتوكورة
نرجع لى ورطتنا مع احمد اسهل
لجنة انا عمرى 23 سنة
محمد محجوب يكبرنى بى سنتين
وباقى المجلس فى
احمد سهل
رجل اديب
معلم على مستوى
مسئول فى النشر التربوى التابع لوزارة التربية والتعليم
منضمة
سياسى محنك
مع الختمية ما يخلص
تستمتع بإدارته للاحتماع
واصلنا مافى دورى
كاسات ساكت
الاتحاد بتوجيه من نميرى عمل مباراة بين الهلال والمريخ على كأس الذهب والدخل لعمل خيرى
المريخ مليان نجوم واستعداد جد
الهلال اقل استعدادا
تحدد الموعد
نزل الفريقان الملعب
ابعاج قاعد فى المقصورة
المريخ يحرز هدف
قبل النهاية بخمسة دقائق
محسن العطا يرتكب مخالفة بلنتى للهلال
قاقرين يحرز
النميرى خرج طوالى
مريخابى منتهى
أعلنت بعد اسبوع المباراة لتحديد ملك الذهب
النميرى زاغ ما جاء
جاء نائبه الباقر
الدحيش هدف
على قاقرين هدف
انتهت 2 صفر
الهلالاب يهتفون
ما قال بجى مالو ما جاء
أصبحت قضية سياسية
أعلنت مباراة أخرى لدعم الثورة الصحية
برضو على قاقرين يحسمها 1 صفر
الأمر جلل
النميرى لغى الكورة فى البلد
ويهتف لا هلال لا مريخ دلا موردة لاتحرير
كان هذا مساء 26/4/1976
تاثير على الكورة
وعلى نادى الزومة العظيم
الرياضة الجماهيرية
النميرى لخبط الكورة
وقال يعملها عن طريق الاحياء والمحافظات والمديريات
ما فرق رياضية
تكونت اللجان
لتكوين الشكل الجديد
المرحوم احمد نصر مع المارشال يحى الطاهر شالو ليهم جردل بوهية وفرشة
شطبو اليافطة فى نادى الزومة ونادى جلاس
وكتبو
نادى الزومة الثقافى الاجتماعى وكذلك نادى جلاس
صباحا بودرى مشو وزارة الشباب والرياضة
علاقة المارشال وثبتو النادببين
كان ممكن يستلم نادينا ديم سلك
يالهوى
طبعا الاعبين توقفو والاغلب هاجر
الفاضل سانتو وكسلا وبشارة الى النصر الاماراتي
قاقرين والنقر الى النصر السعودي وهكذا
نادى الزومة اصلا تأثر ب برحول أعضاؤه إلى الصحافة واركويت والحاج يوسف وكمان مشو مسكو هناك التعاونيات والجمعيات الخيرية وأصبحو زعماء خريجين من مدرسة نادى الزومة
النادى فاضى
المفاتيح نسخة عندى ونسخة مع محمد احمد نصر رحمه الله
انا ساكن اركويت
ازور الضريح دا وألقى ناس الحاج ودبشرية والطيب صديق وأحمد فتح وأحمد عواد وآخرين الله يعلمهم
فشل النميرى والهمهمة على أشدها
بعض الكتاب ظهرو
ضغط جماهيري
وافق
أصدر قرارا
بعودة الرياضة
ذلك فى 10/2/1977م
عودة الرياضة
اتلملمنا
محتارين نبدا من وين و نسوى شنو
الريس احمد سهل
وانا
محمد محجوب
محمد احمد نصر
هاشم درويش
عثمان على خليفة
الاحمدين قاعدين
اها
احمد سهل قال ابيت ما داير
ياريس
حنس حنس
جاء الفرج
جونا ناس الأهلى الخرطومى
قالو دايرين هاشم عزالدين
جدا
نحن خزنتنا يخربا
اهو تدفعو كم
غايتو عثمان رحمه
وقف دوت
الا ثلاثمائة جنيه
وافقو
دفعو
فكيناهو
اخونا هاشم درويش
مشى جاب لينا خمسة لاعبين من الشرطة
تلبن ضمة
غلاد
باقى لعيبتنا
فتشناهم جبناهم
بدأنا
الحركة بقت فى النادى
تانى ناس الأهلى جو
دايرين ابراهيم محجوب أو ابراهيم الزومة كما يحلو للبعض
برضو ثلاثمائة جنيه
الحكايي دى خلت الريس يرتاح ويوصل
