.jpg)
قرار صعب
دارالنعيم عابدين
الشغل انواع يا هيثم السوباط
دون هيثم السوباط رئيس الآلية الإعلامية بنادي بوست على صفحته على مواقع التواصل الاجتماعي فيس بوك، كتب فيه "المنشور ده اسالونى منو بعد سنتين خارطة الكورة السودانية دى لازم تتغير وتواكب البحصل فى العالم، يا جماعة فى ناس بتقول ليك اللاعب ده مسجلنو ليه من الناس ديل مابجيب اسمهم ياجماعه ممكن تسجل اللاعب ده وتقارنو بالاعب العندك الأفضل يقعد والتانى تعيرو لنادى تانى تقوى بيه الدورى وليه دائما يكون هو الوصيف ماممكن يكون فى فريق تانى يكون الوصيف وهو التالت وكده الدورى بكون بقى قوى المهم فى حجات كتيرة حتتغير فى خارطة الكورة السودانية بس خلو التسجيلات تنتهى فى محترفين سوبر وطريقة اختيارهم تمت بصورة علمية
امسكو الخشب
كسرة
اسى الدورى المصرى لحدى الان ماعارفين الأول منو والوصيف منو
انحنا كهلال طالما الدولة ماشغالة بالرياضة ممكن نشتغل انحنا لانو الهلال دائما هو السباق مش انحنا عملنا ديمقراطية قبل الدولة زاتا
قال "المهم فى حجات كتيرة" هو قاصد "حجات" ولا "حاجات" فسروا براكم، اللغة العربية واللغة العامية معانيها كثر.
انت يا هيثم والعليقي ما عندكما مثل غير الدوري المصري وزاتو المعلومة البتقولها بتكون خطأ يعني العليقي قال الأكاديميات في مصر تبدأ من عمر 8 أعوام، لان العليقي لايعرف ان
99%من الأكاديميات في مصر بين أربعة إلى خمسة، وانت قلت "مامعروف الأول منو والوصيف" القال ليك منو ما معروف هو معروف لكن انت ما عارف نوريك عشان ثاني لما تجي تضرب مثل انت والعليقي تتاكدا منه اول، قول مامعروف من يتوج لكن الأول منو، ده ترتيب الدوري المصري بعد الجولة الـ27
:
1- الزمالك برصيد 63 نقطة
2- بيراميدز برصيد 59 نقطة
3- الأهلي برصيد 54 نقطة
4- فيوتشر برصيد 42 نقطة
5- طلائع الجيش برصيد 41 نقطة
6- سموحة برصيد 40 نقطة
7- البنك الأهلي برصيد 37 نقطة
8- فاركو برصيد 35 نقطة
9- سيراميكا كليوباترا برصيد 33 نقطة
10- الاتحاد برصيد 33 نقطة
11- المصري برصيد 31 نقطة
12- إنبي برصيد 30 نقطة
13- الإسماعيلي برصيد 29 نقطة
14- غزل المحلة برصيد 27 نقطة
15- الجونة برصيد 26 نقطة
16- المقاولون العرب برصيد 24 نقطة
17- إيسترن كومباني برصيد 24 نقطة
18- مصر المقاصة برصيد 15 نقطة
عرفت الأول منو
"انحنا عملنا ديمقراطية" كان تحافظوا على الديمقراطية وتثبتوا على قرار عدم المشاركة في قمة السلام،قال ديمقراطية، السودان ده مافيه ديمقراطية.
القال ليك منو الدولة ماشغالة بالرياضة كان ماشغالة بالرياضة انتو مشيتوا لعبتوا في الجنينة كيف ده الشغل زاتو شكلك ما عارف انه الشغل انواع، عشان كده نفيت قلت الدولة ما شغالة بالرياضة.
اكيد أنتم عملتوا تغيير في خارطة الكورة السودانية من فريق قوي إلى فريق ضعيف، غادر البطولات مبكراً، ده عندكم برضو تغيير، لأنه التغيير زاتو انواع ، قال محترفين سوبر خلوا كلامكم زاتوا يكون سوبر، هذا هيثم السوباط رئيس الآلية الإعلامية بنادي الهلال والشقيق الأصغر لرئيس النادي “هشام السوباط، الهلال بقى عائله تقول "حكم ملكي" ماعلينا بعد ضافوا فلان حيضيفوا لينا ابن عم السوباط، ود خالة السوباط، اخو زوجة السوباط، تبقى العائلة الملكية للهلال تورث يعني، ثاني فضل بس يجبوا الأبناء ويلعبوه يبقى الفريق من عائلة السوباط والادارة من عائلة السوباط، يعني كله سوباط، ويتحول لهلال السوباطيين.
