.jpg)
قرار صعب
دارالنعيم عابدين
الاضاءة الحديثة لو شايلنها كان وصلت يا خالد هداية الله
كل يوم والثاني نسمع بموعد وصول الاضاءة الحديثة التي اقترب من العاميين، الإضاءة دي لو شايلنها ناس في ظهرهم وماشين برجليهم كان وصلت وصلت، شكله "خالد هداية الله" ده لما يغيب عن الإعلام ويكون ما عنده موضوع بمشي للمكتب الإعلامي وبقول ليهم اكتبوا"موعد وصول الاضاءة يوم كذا" فترنا زاتو من كل يوم مواعيد، وامس قال أكد تسريع الخطى مع الشركة المنفذة لتركيبها قبل انطلاق الموسم الجديد، عن أي تسريع
تتحدث، الشركات العالمية التي اعرفها انا لا تحتاج حاجه اسمها تسريع، كل ما عليك انك تطالبها بمدة التسليم وتستلم في المدة المحددة يعني ما في لعب ده شغل عالمي غير كده الا كان دي شركة زي شركة (ال......) يعني في المؤتمر الصحفي لإعلان البرنامج الانتخابي لنادي الهلال قالوا الإضاءة ستصل يوم 17من شهر يوليو، امس زاد يوم قال ستصل على دفعتين في السابع عشر والثامن من يوليو الجاري، بعدها حيقول وصلت دفعه يوم السابع عشر وستصل دفعة أخرى يوم السابع عشر من شهر أغسطس، وبعدها حيقول لا الإضاءة تحركت وستصل بورتسودان في سبتمبر وهكذا إلى أن يبدأ الموسم القادم وينتهي.
شوف ليك حاجه غير الإضاءة، الفترة التي اخذتها في التصريحات كافية للتخطيط لمشروع اخر للهلال، البسمع كلامك تقول عايز تعمل إضاءة لكل ملاعب السودان، مع انه انت ملعبه واحد ما قادر تستطيع أن تجعل الإضاءة تصل اليه، الله يصبرنا.
خلينا من الاضاءة الحديثة، ونركز كل أخبار الهلال ودعم الفريق خلال مبارياته االمتبقية في الدوري لانه كان ركزنا على موضوع الإضاءة ده بطول.
ليست هناك تعليقات:
إرسال تعليق